Бен Родс, поранешен заменик советник за национална безбедност во администрацијата на Барак Обама, остро го критикуваше пристапот на американскиот претседател Доналд Трамп кон војната со Иран, објавува Би-Би-Си.
Родс рече дека сегашната стратегија „сè повеќе изгледа како еден човек во една соба да донесува одлуки“, предупредувајќи дека Трамп не ги следи нормалните процеси на донесување одлуки.
Во интервју за Би-Би-Си, тој истакна дека Трамп не се чини дека ги користи вообичаените политички и воени советници. „Се чини дека не се потпира на советници или не следи нормален процес“, рече тој.
Тој исто така додаде дека претседателот ризикува да го прекрши меѓународното право со закана дека ќе нападне цивилна инфраструктура.
„Ќе видиме дали американската војска е подготвена да му каже не на Трамп“, рече Роудс.
Тој верува дека војната не може да се заврши со воени средства, туку исклучиво преку преговори.
„Иран е ослабен од нападите, но во некои аспекти е и зајакнат, на пример преку демонстрација на моќ во Ормутскиот теснец“, заклучи тој.