Трите од петте стана на екс премиерот Груевски се со неверојатна големина, луксуз и цена, некои имаат вредност близу 900 илјади евра или по над 4000 евра за квадрат.
Луксузни станови кои биле во сопственост на екс премиерот Никола Груевски вредни околу 2,5 милиони евра, се огласени за продажба. Како што објави Фокус, а пренесува Канал 5 станува збор за станови на Груевски кои биле конфискувани во случајот Плацеви на Водно, три од становите кои се ставени на продажба се наоѓаат во луксузниот комплекс Панорама на Водно, а два на Бихаќка, место каде Груевски живееше пред да побегне од државава.
Според, официјално објавените податоци, на страната на Агенцијата за управување со одземен имот, може да се види оглас на којнсњ гледа вредноста на становите:
На улица Тодор Александров во Скопје, се нудат, еден стан со внатрешна површина од 199 метри квардатни и помошна прсторија или балкон од 48 метри квадратни со проценета вредност од 847 илјади евра.
Вториот стан, на истата адреса, е со големина од 155 метри квадратни, и помошни простории со површина од 95 метри квадратни, по цена од речиси 760 илјади евра.
И третиот со најголема квадратура од 200 метри квадратни, на истата локација со помошни простории од 48 метри квадратни се нуди по цена од нешто на 850 илјада евра.
На иститот оглас на страната на агенцијата, кој е објавен пред три дена, меѓу другото се нудат и два стана на улица Биххачка во Кисела Вода, едниот од 57 метри квадратни, а другиот 38. Поголемиот по цена од 63 а помалиот по цена од речиси 44 илјади евра.
Во огласот се наведува дека согласно законот, во наддавењето може да учествуваат сите заинтересирани, но не и брачен или вонбрачен другар, како и роднини на осуденото лице или лицето против кое се водела судска или прекрошна постапка. Во март годинава имаше иземни во законот за управување со одземен имот, со кој се забранува учество на јавните аукции од страна на членови на смејество на пораншените сопственици. Законските измени беа направени по критиките во јавноста откако претходно дел од имотот на екс диркеторот на УБК Сашо Мијалков, беше купен од неговиот син, што предизвика потреба од правни измени за да се спречи враќање на веќе одземениот имот кај осудени лица или нивни блиски.
Сторијата на Канал 5