Македонија

Дури 37 опомени за непочитување на законските измени – многу граѓани не се запознаени

Санкциите од новиот Закон за безбедност на сообраќајот на патиштата не ги остави рамнодушни ни пешаците и велосипедистите, ниту возачите. Секој се наоѓа погоден, но и нерамноправен во санкционирањето.

2 минути за читање

Дури 37 опомени добиле граѓаните во главниот град бидејќи не ги почитувале новите сообраќајни правила, односно поминале на пешачки премин користејќи мобилен телефони или слушалки. Новите законски измени втор ден се на сила, но дел од граѓаните се уште не се запознаени.

Јавноста во прашалници дали кога поминувааат регуларно на пешачки рпремин на зелено светло им се прекршува правото на слобода ако користат мобилен телефон или слушалки. Според експертите и тие се учесници во сообраќајот кои ја делат истата одговорност со остаататие учесници.

Групата скопски велосипедисти „На точак“ реагира на казните за пешаци, велосипедисти и возачи на електрични тротинети доколку користат слушалки или електронски уреди во сообраќај. Тие сметаат дека со ова решение се нарушува принципот на еднаков третман и дека пешаците и велосипедистите се ставени во позиција на поголема одговорност од возачите на моторни возила.

Според нив, казните се поставени наопаку: за велосипедист со слушалки глобата изнесува 50 евра, без исклучок. За пешак кој користи мобилен уред глобата е 40 евра, исто така без исклучок. За возач на автомобил, пак, глобата за користење телефон е 40 евра, но само ако се докаже дека ја загрозил безбедноста во сообраќај – што, како што велат, значи дека треба да се случи несреќа за да има казна.

Новите сообраќајни правила започнаа да важат од вчера. Казната за преминување пешачки премин со телефон во рака или на уво изнесува 40 евра. За возење тротинет или мотор со користење електронски уред, глобата е 50 евра. Од министерството за внатрешни работи велат дека ќе почнат со казни кога граѓаните ќе бидат запознаени со новите измени во законот.

Поврзани теми:

мвр|топ|санкции|граѓани|слушалки|опомени

Повеќе на оваа тема:

Најнови вести од: Македонија

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top