Македонија

Експотпретседателот на ДУИ Бејта се разиде со Ахмети и ќе се трка за градоначалник на Гостивар од Вреди, влегувајќи и во судир со Таравари!

„Немам непријателство со никого во С.Македонија, ниту со Али Ахмети, но Арбен Таравари со години ги навредуваше гласачите на ДУИ!“ – изјави Невзат Бејта, кој ја поднесе денес својата кандидатура за градоначалник на Гостивар како кандидат од редовите на коалицијата Вреди.

2 минути за читање

Во информацијата за поднесувањето на неговата кандидатура ТВ Шења наведува: „Сум правел секогаш само добри работи, секогаш сум бил во служба на моите граѓани и во служба на граѓаните на ниво на републиката.“ – посочи Бејта. Тој нагласи дека политичките партии не можат да командуваат со гласачите и со своето членство.

„Арбен Таравари 10 години ги навредуваше гласачите на ДУИ, ги навредуваше лидерите на ДУИ и не верувам дека гласачите и граѓаните ќе гласаат за нив, туку ќе гласаат за кандидатот, што го заслужува тоа и кој работи за доброто на градот Гостивар.“ – рече Невзат Бејта.

Инаку, на повторените избори за градоначалник на Гостивар тој ќе го бара третиот мандат. Синоќа на неговиот профил на Фејсбук ја објави кандидатурата, истакнувајќи дека ќе има поддршка од коалицијата Вреди. „Почитувани граѓани на Гостивар, согласно со резултатите од анкетите и по консултациите со лидерите на Вреди, беше одлучено кандидат на Вреди за овие избори во Гостивар да бидам јас.“ – напиша Бејта во објавата на општествената мрежа.

Тој беше двапати градоначалник на Гостивар (2005-2009 и 2013-2017), претходно пратеник од редовите на ДУИ, потпретседател на ДУИ и министер за локална самоуправа. Тој беше кандидат за градоначалник од ДУИ и во 2021 година кога за противкандидат го имаше Арбен Таравари. Бејта е вториот кандидат кој влегува во трката за градоначалник на општина Гостивар, откако Валбон Лимани вчера ги поднесе документите до Општинската изборна комисија.

Најнови вести од: Македонија

Стратешкиот притисок на Индија на Балканот и реалноста на глобалната дипломатија

Анализа на британска авторка која посетата на Мурму на Македонија ја поврзува со прагматската архитектура на меката моќ која се случува надвор од историската носталгија на Балканот

Клековски: Во Гостивар забележани 109 нови случаи поврзани со епидемијата

Министерот за здравство Сашо Клековски информира дека во Гостивар се регистрирани 109 нови случаи поврзани со епидемијата, а по смирувањето на акутната фаза е воведен засилен надзор за следење на можни заразни заболувања.

Мицкоски: Протоколите не се дел од Преговарачката рамка, но ставот на бугарската страна е поинаков, поради егзибициите на претходната влада на СДСМ-ДУИ

Протоколите не се дел од Преговарачката рамка, но Бугарија го тврди спротивното, повикувајќи се на тоа што го договорила со претходната влада, изјави денеска премиерот Христијан Мицкоски, одговарајќи на новинарско прашање за протоколите за време на посетата на општина Илинден.

Водата за пиење во Крушево е исправна и безбедна за употреба – отстранет е дефектот во хлорирањето

Општина Крушево ја информира јавноста дека, согласно со резултатите од трите последователни лабораториски испитувања, извршени од страна на Центарот за јавно здравје-Прилеп, водата од градскиот водовод ги исполнува сите законски пропишани параметри за квалитет и е здравствено исправна и безбедна за пиење.
Сите вести од Македонија

Најнови вести

To top