Гинтер Фелингер, австриски економист и лобист на Европската унија и НАТО, не пропушти ни на 84-годишнината од кревањето на востанието на македонскиот народ против фашистичкиот окупатор да побара од Македонија укинување на празникот 11 Октомври, отворено навредувајќи ги партизаните.
„Ја повикувам Северна Македонија да го откаже празникот 11 Октомври, кој го измисли комунистичка Југославија, како прослава на неколку тажни партизани, губитници кои ги нападнаа Бугарите кои всушност ја ослободија Македонија од бруталните српско-фашистички окупаторски сили, бидејќи еден од 4-те национални денови е смешен, недостоен за сојузник на НАТО и идна членка на ЕУ!
Откажи го 11 октомври сега @gogamkd“, си дозволи по кој знае кој пат да повика претседателот на невладината организација Австриски комитет за проширување на НАТО, навлекувајќи го гневот на македонските корисници на социјалната мрежа Икс.
I call North Macedonia to cancel that Communist Yugoslavia invented Holiday of 11th October as celebrating a few sad partisans losers who attacked Bulgarians who actually liberated Macedonia from brutal Serb facist occupation forces as one of 4 national days is ridicioulos… pic.twitter.com/TKKZvSznA9
— Gunther Fehlinger-Jahn (@GunterFehlinger) October 11, 2025