Македонија

Филипче и СДСМ го навредија најмоќниот човек во Стејт департментот на САД одговорен за Европа и Евроазија

Неискусниот лидер на Бихаќка му објави војна на Стејт департментот на САД

2 минути за читање

Лидерот на СДСМ Филипче и неговата партија јавно го навредија најмоќниот човек во Стејт департментот на САД одговорен за Европа и Евроазија.

Во обид да ги понижи претседателката Гордана Сиљановска Давкова и министерот за надворешни работи Тимчо Муцунски лидерот на СДСМ го навреди главниот оперативец на американската надворешна политика во Европа и Евроазија Брендан Ханрахан.

Зборувајќи на регионалната конференција „Еден регион. Една визија. Една иднина“, во организација на Институтот Прогрес, Филипче, кој очигледно не ги познава состојбите во Вашингтон го нарече Ханрахан најниско рангиран дипломат на САД.

Според Филипче кому според изјавата целта му е да ја понижи претседателката Гордана Сиљановска Давкова, средбата со десната рака на американскиот државен секретар Марко Рубио е дебакл за Македонија.

Неискусниот Филипче со тоа влезе во судир со најмоќната светска дипломатија.

„Тотална дипломатска изолација на состанокот во ОН, претседателката се среќава со најниско рангираниот дипломат од Соединетите Американски држави. Ваков дебакл дипломатијата до сега нема доживеано“, порачал Филипче на партискиот настан се подоцна оваа навреда за Ханрахан е објавена и на официјалниот профил на СДСМ на социјалната мрежа Фејсбук.

Според фотографијата што ја објавува министерот Муцунски на Трансатлантска вечера со министрите за надворешни работи на земјите членки на НАТО и ЕУ која ја организира државниот секретар на САД, Марко Рубио, од неговата лева страна седи шефот на НАТО Марк Руте а од левата страна токму Брендан Ханрахан.

За Филипче средбата на Сиљановска Давкова и Тимчо Муцунски со Ханрахан кого го прикажува како дипломатски маргиналец ја користи за да прикаже дека Македонија за време на Генералното собрание на ОН немала сериозни разговори во Њујорк.

Иако според објавите на претседателката Гордана Сиљановска Давкова и Тимчо Муцунски се гледа дека на мултилатералниот настан и на маргините на Генералното собрание на Светската организација тие учествувале на десетици настани и се сретнале со десетици светски лидери, Филипче во навредливата изјава тврди дека „Се сѐ сведува на правење селфија со некои дипломати по ходниците на големите светски институции“.

Од објавите на Сиљановска Давкова нема ниту една селфи фотографија но има фотографии и информации од важни форуми на ОН како на пример тие посветени на жените и младите каде Сиљановска Давкова била меѓу главните соговорници и каде претходно немало македонски говорници.

Според објавените информации Сиљановска Давкова учествувала и на десетина други настани како на пример тие на престижните универзитети Колумбија и Харвард каде била главен говорник.

Поврзани теми:

топ|Филипче|СДСМ|Стејт департмент|навреда|Брендан Харнахан

Повеќе на оваа тема:

Најнови вести од: Македонија

В среда последно збогум за Владо Јаневски

Јаневски беше првиот македонски претставник на Изборот за песна на Евровизија во 1998 година со песната „Не зори зоро“, а во текот на кариерата доби бројни признанија, меѓу кои и наградата за трајни музички вредности на годинашното издание на „Златна бубамара на популарноста“.

(Видео): Основната потрошувачка кошничка во Македонија е најевтина во Европа, рече премиерот

Премиерот Христијан Мицкоски изјави дека најновите податоци на Евростат, според кои основната потрошувачка кошничка во Македонија е најевтина во Европа, ги демантираат критиките дека државата не бележи напредок.

Сиљановска-Давкова-Будрис: Проширувањето на ЕУ ќе биде врвен приоритет за време на литванското претседавање со Советот на ЕУ

Претседателката на Република Македонија Гордана Сиљановска-Давкова денеска го прими министерот за надворешни работи на Република Литванија, Кестутис Будрис, кој е во официјална посета на државата.Соговорниците го поздравија отворањето на дипломатското претставништво на Литванија во Скопје, како и одлуката на македонската Влада за отворање амбасада во Вилнус, очекувајќи засилен политички дијалог, поголема економска и културна соработка, како и подобри севкупни односи меѓу двете држави.

Собранието го донесе Законот за игри на среќа и за забавни игри – да бидат оддалечени 500 метри од училиштата

Собранието денеска во рамки на 109. седница ги донесе одлуката за измена на Одлуката за одобрување на продолжување на рокот за постоење на кризна состојба на дел од територијата на Македонија, Законот за игрите на среќа и за забавните игри, а Христина Софронијоска беше избрана за нова заменичка на генералната секретарка на законодавниот дом. Законот за игрите на среќа и за забавните игри беше донесен со 60 „за“, а 20 „против“.

Ристовски: За две години реализирани и започнати 60 спортски проекти вредни над 21 милион евра – спортот повторно е национален приоритет

Министерот за спорт Борко Ристовски денеска на прес-конференција во Владата даде отчет за сработеното во изминатите две години од формирањето на Министерството за спорт, презентирајќи ги реализираните активности, капиталните инвестиции во спортската инфраструктура и проектите што ќе се реализираат во наредниот период. Toj истакна дека Министерството за спорт за само две години реализира и започна 60 спортски проекти, со вкупна вредност од повеќе од 21 милион евра, за разлика од претходната власт која за четири години реализираше само 33 спортски проекти и нагласи дека Владата повторно го поставува спортот меѓу националните приоритети.

Пуштена е во употреба новата детска градинка „Пролет“

Секогаш кога пуштаме еден ваков објект во функција, јас сум посебно задоволен и среќен, бидејќи на овој начин ќе го подобриме квалитетот на живот на многумина, се разбира најмногу на најмладите, на дечињата. Впрочем, намената на ваквите објекти е токму за нив, да почнат да другаруваат уште од најрани години, да стекнуваат знаења, пријателства, да се формираат како личности, изјави денеска премиерот на Република Македонија Христијан Мицкоски при пуштањето во употреба на новата детска градинка „Пролет“ во Трубарево.
Сите вести од Македонија

Најнови вести

To top