Една недела откако лидерот на СДСМ ја обвини претседателката Гордана Сиљановска Давкова за изолација во Обединетите Нации Филипче се пофали со средба со државна секретарка.
За разлика од Сиљановска Давкова која за десетина дена на различни настани во Њујорк и Копенхаген и Тирана седеше на иста маса со триесетина светски лидери на Филипче не му е срам да напише цел трактат за средба со државна секретарка во словенечкото МНР.
Филипче преходно предизвика дипломатски скандал и инцидент кога Директорот на Бирото за Европа и Евроазија во Стејт департментот Брендан Ханрахан го навреди нарекувајќи го најниско ниво на дипломат.
Ханрахан важи за десна рака на американскиот државен секретар Марко Рубио.
Откако претходно во Париз се сретна со понизок ранг на дипломати на кои им ја претставил резолуцијата за Црвените линии пред да ја презентира дома, Филипче објавува долг текст за средбата со словенечката државна секретарка во кој има јазични грешки.
На средбата Филипче отишол со патики.
,,🇲🇰🤝🇸🇮 На денешната средба со словенечката државна секретарка во Министерството за надворешни и европски прашања, Нева Грашич, ја истакнавме потребата од брзо преземање на конкретни чекори за одблокирање на преговарачкиот процес со ЕУ.
Таа истакна дека Словенија останува наш силен поддржувач на евроинтегративниот пат, и партнер во исполнувањето на обврските и побрзо постигнување на европските стандарди.
На средбата беше потенцирано дека има јасен консензус во ЕУ за проширување до 2030 година со нови држави членки, моментум кој треба да го искористи и Македонија.
Затоа овој период мора властите да се фокусираат и одлучно да дејствуваат во спроведувањето на реформската агенда и обврските од Преговарачката рамка.
За успешно завршување на овој државнички проект потребен е политички дијалог и национален консензус. Тоа е потврда дека политичките партии не зборуваат само декларативно за ЕУ, туку дека вистински се залагаат и работат за остварување на стратешка определба на државата, а тоа е полноправното членство во ЕУ.
Чекањето не оди во прилог на државата. Граѓаните ги очекуваат потребните реформи за трансформација на македонското општество, согласно европските стандарди и принципи.
Словенија ќе продолжи да го поддржува регионот и да ги потенцира достигнувањата на земјите од Западен Балкан кај европските партнери”, објави Филипче која ги меша поимите потенцира и потенцијал.