Лидерот на СДСМ, Венко Филипче, остана недоречен за обвинувањата од ВМРО-ДПМНЕ дека поседува „златна виза“ за престој и работа во Дубаи и во емисијата „Вин-вин“ на ТВ Телма.
„Тоа е една вулгарна верзија на тоа што сака ВМРО. Тоа е на ниво на развој на мојата кариера, кога јас веќе можам да бирам. Јас зборувам за моите помлади години, кога сум престојувал во Америка, во разни европски земји“, (ништо не) објасни Филипче.
„Секогаш ми било полесно оттука да мечтаам за негде надвор, отколку кога сум бил надвор да мечтаам за тоа тука. Ние тука созреавме и пораснавме“, рече тој, додавајќи дека во одредени моменти размислувал трајно да ја напушти Македонија, но превладала емотивната поврзаност со татковината.