Македонија

Фискалните биланси во 2025 година се влошија во речиси сите економии на Западен Балкан, освен во Македонија – констатира ЕК

Економскиот раст на Западен Балкан значително забави во првиот квартал од 2025 година

Економскиот раст на Западен Балкан значително забави во првиот квартал од 2025 година, наведува Европската комисија во извештај. Реалниот раст на БДП во регионот е намален на 2,3 проценти, од 3,3 проценти во претходниот квартал.

Сите држави забележаа помал раст отколку во претходните три месеци, а Србија, најголемата економија во регионот, имаше најголемо забавување на растот на производството, од 3,3 на два проценти.

Сепак, Македонија, Албанија и Косово беа над границата од три проценти, според извештајот за економијата на земјите кандидати или потенцијални кандидати за членство во ЕУ.

Економскиот раст беше поттикнат од домашната побарувачка. Потрошувачката остана клучен придонесувач за растот во првиот квартал од 2025 година. Потрошувачката на домаќинствата беше придружена со континуиран висок раст на платите низ целиот регион. Понатаму се наведува дека динамиката на трговијата генерално се карактеризираше со поголем увоз во споредба со извозот, што доведе до негативни придонеси на меѓународната трговија кон растот на БДП.
Стапката на невработеност се намали во повеќето земји од регионот во првите три месеци од 2025 година. Невработеноста во регионот беше на историски најниско ниво, но сепак повисока отколку во ЕУ.

Во согласност со намалувањето на економската активност, растот на вработеноста се забави на 0,2 проценти во Западен Балкан.

Во четирите квартали до март, нето приливот на странски директни инвестиции се намали во повеќето земји во регионот, особено во Македонија и Србија, во споредба со 2024 година.
Девизните резерви се намалија во некои земји во регионот.

Просечната годишна инфлација се забрза на 3,7 проценти во првиот квартал од 2025 година.
Инфлацијата во вториот квартал од оваа година, се движеше се од 2,3 проценти во Албанија до 4,3 проценти во Црна Гора.

И покрај силниот раст на приходите, буџетските расходи пораснаа со побрзо темпо, а фискалните биланси се влошија во речиси сите економии на Западен Балкан во првите пет месеци од 2025 година, освен во Македонија.

Во Турција, годишниот економски раст дополнително се забави на два проценти во првиот квартал од 2025 година.

Најнови вести од: Македонија

Време е Карпош да добие нова енергија, посветеност и одговорност, порача премиерот

Карпош ќе ја има мојата поддршка, и заедно Владата и општината, додаде ќе направат многу работи заедно, порача лидерот на ВМРО-ДПМНЕ и премиер Христијан Мицкоски на промоцијата на Лукроски за кандидат за градоначалник на општина Карпош.

„Лазо Ангеловски“ доби систем за следење на потрошувачката на енергија

Министерството за енергетика, рударство и минерални суровини денес го посети основното училиште „Лазо Ангеловски“ во општина Аеродром, каде што веќе се инсталирани и успешно функционираат современи системи за паметно мерење и управување со потрошувачката на електрична енергија – дел од иницијативата што започна со потпишаниот Меморандум за соработка со Македонски Телеком. На посетата присуствуваа министерката […]

Град Скопје со кривична пријава кон „Комунална хигиена“ оти не го собира ѓубрето

Проблемот со отпадот во Скопје не е само сега, тој се провлекува со години наназад, а дел од општините преку разни активности со свои капацитети се обидуваа колку толку да исчистати покрај тоа што граѓаните редовно плаќаат за оваа услуга.

To top