(Фото): Хаос на „Евзони“ – граѓани со часови чекаат за излез од Грција

Огромни кологи и долги саати чекање на граничниот премин „Евзони“ пријавуваат македонски граѓани. Како што посочуваат од голема гужва пред границата стојат веќе три до четири часа, а притоа немаат информации за прекини во работата на границата, ниту пак за штрајкови.

– Кон Македонија тргнавме уште во три часот од Флогита, до граница има еден саат. Но, ние се уште не можеме да ја поминеме границата. Се стои во место, како ништо да не се движи. Најлошо е што сме со мали деца и времето е топло, спарно, имаме доволно количини на вода, но не се доседува во кола, а дополнително не чека пат – вели револтирана скопјанка за порталот Фактор. 

Таа додава дека не ги знаат причините за долгото чекање, ниту пак можат да дознаат, но вели дека се чуствува голем револт меѓу останатите возачи, има свирежи, многумина се буткаат само побрзо да стигнат до границата и не се знае кој во која лента вози.

Вели дека најголем дел од возилата се со македонски и српски регистрации, поради што претпоставува дека гужвите се направени од голем број туристи кои сакаат да се вратат дома пред почетокот на школската година.