Кој во суштина владее со нашите судбини и кој се обидува да биде режисер на хаосот во предизборието за локалните избори, се двете прашања на кои свој одговор дава уредникот н Радио Лидер во колумната со наслов: СЛУЧАЈ БИЛЈАНА ИВАНОВСКА: Гаргамел Коцевски и Азриел Бубевски се обидуваат да создадат политички хаос!
Според Златев го опишува случајот во кој веднаш по кандидатурата за градоначалник на Центар екс шефицата на ДКСК Ивановска доби покана за иследување во обвинителството.
Според Златев државниот обвинител Љупчо Коцевски и шефот на скопското јавно обвинителство Гаврил Бубевски уште еднаш смислуваат сценарио како да ја експлодираат политичката ситуација во Македонија која во колумната е опишана како село на штрумфовите.
,,Намерата им е овој хаос уште еднаш да им ја крене цената и така да продолжат олигархиски да владеат со обвинителството”, пишува Златев.
Тој е изненаден колку политичкиот естаблишмент во државата и разузнавачката заедница биле збунети од состојбата. Најголем дел со луѓето од врвот на власта и разузнавачката заедница немале никаква информација за што станува збор и зошто се случува ваков очигледен обид да се создаде скандал пред изборите. Од нив не можел да дознае буквално ништо, освен да примети вџашеност и загриженост.
,,Кај функционерите од владејачката ВМРО-ДПМНЕ владееше мислењето дека ова може да им предизвика одредена политичка штета, затоа што ќе излезе дека со тоталитарни методи тие би се обиделе да го добијат Центар, нешто слично на она што се случуваше со Андреј Жерновски кога со секое прегласување нарачано од Груевски и Мијалков, ВМРО-ДПМНЕ губеше со повеќе гласови. Најголем дел од нив се на ставот дека овој циркус не им е потребен во состојба кога очигледно е дека ќе победат во скоро сите македонски општини.
Слично беше и со безбедњаците, кои не гледаат импликации за националната безбедност од Билјана Ивановска, која е сосем пристојна жена.
Одговорите стигнаа од моите „свиркачи“ од обвинителството, кои веднаш го намирисаа котелот во кој се подготвувала оваа операција. Имено, ова што и го прават на Ивановска е школски пример за длабоката држава во македонското обвинителство изведена од истите актери кои во последната деценија ја тероризираат македонската демократија држејќи го обвинителството во заложништво”, пишува Златев.
Целата колумна на линкот