За Македонците од Пиринска Македонија, 1948 година беше една од најстрашните години по Втората светска војна, објави партијата на Македонците во Бугарија ОМО Илинден Пирин.
Во текот на оваа година, околу осумдесет Македонци беа брутално убиени или осудени на долгогодишен затвор, а неколку стотици беа интернирани затоа што сакаа обединување на Македонија. Некои од нив беа дел од одредот на Герасим Тодоров, а друг дел беа нејзини помагачи.
Во пресудата јасно се гледа дека сите осудени се Македонци
,,Ви претставуваме транскрипт од пресудата на седуммина од нив, кои не се познати на пошироката јавност. Во нивното обвинение се наведува дека се МАКЕДОНЦИ”, објавува ОМО Илинден Пирин:
⚖️ Од пресуда бр. 431 под NOHD бр. 500 / 1948 година
според пописот на Горноџумајскиот регионален суд
🚩 СПАС АТАНАСОВ УГРЕНОВ
на возраст од 50 години, роден и живее во Влахи;
🚩 ТЕОФИЛ ЗАХАРИЕВ ТОДОРОВ
на возраст од 26 години, роден во Влахи, живее во Гара Пирин;
🚩 ИВАН ЈАНУШЕВ ЧАКАРОВ
на возраст од 62 години, роден и живее во Сенокос;
🚩 ЈОРДАН АТАНАСОВ ТАСЕВ
на возраст од 39 години, роден во Влахи, живее во Гара Пирин;
🚩 ЛАЗАР ХРИСТОВ ТОПАЛСКИ
на возраст од 36 години, роден во Оштава, живее во Крупник;
🚩 СТОЈАН ГЕОРГИЕВ МАЛАМОВ
на возраст од 39 години, роден во Влахи, живее во Гара Пирин;
🚩 ГЕОРГИ ВАСИЛЕВ КОВАЧЕВ
на возраст од 23 години, роден во Оштава, живее во Гара Пирин
СИТЕ МАКЕДОНЦИ, писмени, неосудени, женети (освен последниот),
ВИНОВНИ дека во различни периоди во втората половина на 1947 година и почетокот на 1948 година на различни начини помагале на организација и група според чл. 1 од ЗЗНВ — осуден на 10 години строга самица, лишен од права 12 години,
конфискација: (1) од 42 илјади турски златни лири, 7 златни наполеони, 2 златни италијански лири и 1 златна австриска марка, депонирани на чување во Бугарската народна банка – Свети Врач со депозитен сертификат бр. 6869 од 15 јуни 1948 година; (2), (3), (4) – по 100 илјади лева; (5), (6), (7) – по 50 илјади лева.