Градоначалникот на Битола од редовите на ВМРО-ДПМНЕ направил сообраќаен прекршок по што во дел од јавноста беше обвинет дека избегнал да ја плати казната.
Лекарот и градоначалникот Тони Коњановски пред јавноста со документи открива што се случило со казната.
Тој објавува копија од казната која му ја дала сообраќајната полиција која уредно ја платил.
Објавената казна не открива за каков прекршок се работи и колкава е висината на глобата но покажува дека полицијата во Битола нема попуст за Коњановски но и дека не го вози возач во службено возило.
Што напиша Коњановски во објавата на социјалните мрежи:
Почитувани граѓани,
Категорично ги демантирам сите објави низ социјалните мрежи со кои се прави кампања против мене и се наведува дека јас сум се поставил над законот. Тоа е апсолутно неточно. Пред законот сите граѓани сме еднакви.
Да,направив сообраќаен прекршок. Човек сум и јас можам да погрешам.
Но, верувам во ред, одговорност и еднаквост пред законот.
Токму затоа, казната за сторениот сообраќаен прекршок ја платив веднаш, без двоумење. Секој од нас треба да биде пример, коректор на себе, а потоа и пример за другите.
Не се кријам , не се оправдувам и не барам никаква привилегираност.
Во животот никој не е безгрешен, но чесноста, праведноста и коректноста, секогаш мора да бидат патиштата по кои ќе избереме да се движиме.