Големиот празник Божик, е еден од најзначајните празници во христијанството и го одбележува Христовото раѓање.
Празникот се прославува во семејна атмосфера, со почитување на вековните христијански обичаи и традиции.
Тоа е втор најголем празник во христијанството, по Велигден.
Утрово започнуа чествувањето на празникот со традиционалниот поздрав меѓу верниците: „Мир Божји, Христос се роди!“, на што се одговара: „Навистина се роди!“ .
Македонската православна црква, заедно со другите цркви што го следат Јулијанскиот календар го слави на 7 јануари.
Овој празник го симболизира доаѓањето на светлината на вистината во светот и исполнувањето на старозаветните пророштва за доаѓањето на Спасителот.
Божиќ се слави три дена: првиот ден е посветен на самото Христово раѓање, вториот – на Соборот на Пресвета Богородица, како знак на благодарност за раѓањето на Спасителот, а третиот – на Свети Стефан, првиот христијански маченик.
На божиќното утро, пред изгрејсонце, заѕвонат камбаните во сите македонски православните храмови, најавувајќи ја радоста на празникот.