Претседателот на Алтернатива и еден од лидерите на ВРЕДИ, Зеќирија Ибрахими, во објава на Фејсбук ги отфрла обвинувањата од критичарите на политиките на актулната Влада и наводната дискриминација кон Албанците, пренесе Телеграфи.
„Тие продолжуваат да кажуваат дека има економска дискриминација кон Албанците, но кога владата одлучи да издвои над 80 милиони евра годишно за албанските општини (некои проекти веќе се реализираат), над 34 милиони евра за Универзитетот „Мајка Тереза“, зголемување на платите за 12%, зголемување на пензиите за 5.000 денари итн., тие молчеа и за ова.
Кога немаат друга тема, овие денови го отворија прашањето дека „се вработуваат Македонци, а не Албанци“.
Ова исто така траеше неколку дена“ вели Ибрахими.
„До крајот на јули ќе имаме 2.500 нови работни места и унапредувања за Албанци“, пишува Ибрахими.
Ибрахими ги спомена и изградбата на училиштето во Чашка, изградбата на Коридорот 8 и „On Stop Shop“ со Косово како успеси на Коалицијата ВРЕДИ.
Во објавата Ибрахими, меѓу другото додава:
„Единственото нешто за кое не сакаат да зборуваат е каде е Артан Груби и како тој и нивниот Рамиз Мерко завршиле на американската црна листа. Тие исто така не сакаат да зборуваат за тоа како семејството Ахмети станало сопственици на трговскиот центар „Соравија“ во центарот на Скопје“, вели Ибрахими.
Таравари се пожали: Во институциите се вработени само 5% Албанци…