Македонија

Илјада компании вклучени во двојното образование Македонија веќе брои 65 стручни училишта и 875 двојни паралелки

Зголемен е бројот на ученици кои се запишуваат во стручните школи – за шест години е евидентиран раст од 12,2 отсто. Но, користа од двојното образование се повеќе го препознава и бизнис заедницата – околу 1.000 компании веќе се вклучени во овој процес. Како што беше речено денеска во Стопанската комора, во учебната 2025/2026 година, Македонија има 65 стручни училишта и 875 двојни паралелки.

3 минути за читање

– Од 2007 година Комората има став како треба да се обезбеди стручен кадар: дека е неопходно воведување практична настава во средните школи, но и практична обука во компаниите. Во 2014 година почна и со конкретни активности, преку создавање на првите образовни програми, во кои беше вклучена практичната обука како дел од задолжителното образование, истакна Наташа Јаневска, проектен менаџер за образование во Стопанската комора.

Јаневска, која се осврна на воведувањето на двојното образование, укажа дека најголемите предизвици во почетокот биле неприспособливиот образовен систем, затвореноста на компаниите и инспекциските служби.

– Наидовме на нефлексибилен образовен систем што не предвидува промени. Требаше да се преговара, но не само со образовните институции, туку и со компаниите – дека треба да бидат отворени и дека сами треба да почнат да го креираат стручниот кадар. Најтешко беше да им објасниме на инспекциските тела дека не станува збор за злоупотреба на детски труд како што велеа кога ќе ги затекнеа учениците на пракса во компаниите, туку дека тоа е само дел од образовниот процес, дека теоријата се учи во училиште, а праксата на реално место – во компанија, нагласи Јаневска.

Приказната почнала во 2017 година, со само една компанија, една паралелка и 20 ученици од средното училiште „Михајло Пупин“.

– За шест години е евиентиран раст од 12,2 отсто на уписот на ученици во стручно образование. Запишани ученици во стручно образование во учебната 2019/2020 година е 64 проценти, а во учебната 2025/2026 година 71,8 процент. Во учебната 2019/2020 година во дуалното образование биле вклучени 11 компании, во 2021/2022 година 211 компании, во 2022/2023 година 500 компании, во 2023/2024 година 560 компании, во 2024/2025 година 600 компании, а во 2025/2026 година околу 1.000 компании. Бројот на стручни училишта во учебната 2019/2020 година бил четири, со по една дуална паралелка, а во 2025/2026 година е 65 стручни училишта и 875 дуални паралелки, истакна Јаневска.

Таа подвлече и дека Комората работела на oсигурување квалитет преку обуки за сертификација на околу 1.500 ментори во компании, верификација на 200 компании за практична обука на ученици, регистар за вмрежување на стручни училишта и компании „ПОРТАЛ ПРАКСА“ и дигитален саем за уписи во средно стручно образование. Паралелно, напомена, обезбеди и 7.626.769 евра грантови за опремување на 12 стручни училишта и пет факултети во конзорциум со 86 компании/организации преку Германската развојна банка.

Јаневска го посочи и новиот Закон за стручно образование и обука од 2025 година.

Претходно, министерката за образование и наука, Весна Јаневска, во обраќање на настанот, најави дуален концепт и во високото образование. Како што рече, со новиот закон е предвидено првпат да се воведат втор и трет циклус стручни студии. Според Јаневска, овој принцип на школување се воведува и на факултетите не само зашто тоа го бараат некои од нив и бизнис заедницата, туку и затоа што дуалното образование, како модел, дало одличен резултат во средните стручни училишта. (МИА)


Поврзани теми:

актуелно|компании|двојно образование

Повеќе на оваа тема:

Најнови вести од: Македонија

(Фото): Во Македонија една третина од смртните случаи се од кардиоваскуларни заболувања

Од кардиоваскуларни заболувања минатата година во земјава починале 6.888 лица, а овие заболувања учествуваат со 34 отсто во вкупниот морталитет. Со стапка на смртност од 378,4 на 1.000 жители, кардиоваскуларните заболувања се на прво место меѓу причините за смртност.

Поплавена зградата на „Нова Македонија“

Пет до шест дена ќе бидат потребни за нормално функционирање на зградата на „Нова Македонија“, откако е утврдено дека поплавата ја предизвикала пукната топловодна цевка на вториот кат, изјави директорот на Службата за општи и заеднички работи на Владата, Ивица Томовски.

Стојков: Грција и Бугарија ќе го користат примопредавањето на моштите на македонскиот цар Самуил за пропаганда против Македонија!

„Свечената“ објава на бугарскиот премиер Румен Радев дека в сабота, на 3 октомври, Грција ќе ѝ ги предаде посмртните останки од цар Самуил (починат 1014 година), одекна не како историско-научна сензација, туку токму така како што беше и конструирана – со политичко тенденциозност спрема Македонија. Ова се нагласува во статијата со наслов „Стојков: Не е сигурно дека моштите се на цар Самуил, а Бугарија и Грција немаат ни правна основа за нивно примопредавање“, која ја објави информативниот портал „МКД.мк“

(ВИДЕО) Разбиена е криминалната и терористичка група од Скопје, кај која е пронајдено знаме на „Исламска држава“! – Кривична пријава за тројца (Видео)

МВР информира дека вчера Одделот за сузбивање на организиран и сериозен криминал во соработка со Агенцијата за национална безбедност, Одделот за специјални полициски операции и СВР Скопје, под раководство на надлежен јавен обвинител од Основното јавно обвинителство за гонење на организиран криминал и корупција, спроведе координирана полициска акција, во која е сузбиена организирана криминална група од Скопје, инволвирана во вршење на кривични дела од областа на тероризам и недозволена трговија со оружје.

Мицкоски: Во судството има измеќарско малцинство, кое им слугува на СДС и ДУИ

Говорејќи за правосудството во емисијата „Под лупа“ на ТВ „Алфа“, претседателот на Владата Христијан Мицкоски истакна дека таму, покрај огромното мнозинство чесни луѓе, постои и измеќарско малцинство, кое им слугува на СДС и ДУИ.
Сите вести од Македонија

Најнови вести

To top