Ако некогаш површината на Езерото била 284 квадратни километри, сега е само 259.
За неколку децении нивото е намалено цели 12 метри.
Во туристичката населба Крани, тоа е повеќе од очигледно. Потребно е да се испешачат стотина метри низ езерото, за да се стигне до ниво доволно за капење. Се бара преземање на итни мерки по примерот на Дојранско Езеро, пишува Алсат.
Според анализите на професорот од техничкиот факултет во Битола, Дејан Трајковски, веќе две години езерото губи по 50-ина сантиметри годишно, односно околу 125 милиони кубни метри вода.
Овој септември нивото е 55 сантиметри пониско од истиот период минатата година а сценаријата за иднината на езерото се повеќе од црни.
Според Трајковски, ако продолжи сегашниот тренд на намалување може да се случи за 60 години од сега, 90 % од неговата површина да пресуши и да останат само четири поголеми јами.
Најголемата би била 30 метри длабока на влезот на Нивичкиот залив во Грција. Останатите четири би биле на македонска територија со длабочина од 10 метри.