Македонија

Итни и вонредни надзори во приватните болници по изјавата на Кедев

По изјавите на кардиологот Сашко Кедев во емисијата „Стадион“, каде тој, повикувајќи се на своето искуство и искуствата на колегите, истакна дека значителен дел од неговата консултативна работа е посветен на одвраќање на пациенти од непотребни медицински интервенции, Министерството за здравство најави итни мерки.

2 минути за читање

По изјавите на кардиологот Сашко Кедев во емисијата „Стадион“, каде тој, повикувајќи се на своето искуство и искуствата на колегите, истакна дека значителен дел од неговата консултативна работа е посветен на одвраќање на пациенти од непотребни медицински интервенции, Министерството за здравство најави итни мерки. Со цел да се испитаат овие тврдења, ќе се спроведат итни и вонредни надзори за да се добие целосна слика за евентуалните неправилности.

Министерот за здравство Азир Алиу објави дека комплетната дигитализација на здравствениот сектор, преку системот „Мој термин“, ќе овозможи двонасочна размена на информации меѓу јавните и приватните здравствени установи. Ова, според Министерството, ќе обезбеди поголема транспарентност и ќе помогне во откривањето на можни злоупотреби на системот и финансиските средства.

Министерството нагласува дека медицинските одлуки треба да се базираат исклучиво на клинички индикации и потсетува дека пациентите имаат право на второ стручно мислење. Пациентите се охрабруваат да поставуваат прашања, да бараат појаснувања и да побараат второ мислење доколку имаат сомнежи, што претставува дел од стандардите за добра медицинска практика.

Од Министерството апелираат јавната комуникација за оваа тема да биде одмерена, базирана на проверени информации и без генерализации што го поистоветуваат целиот здравствен систем со поединечни случаи.

„Најголем дел од мојата консултативна активност е во одвраќање на луѓе од непотребни интервенции, непотребни стентирања, непотребни операции. Ние во моментот се соочуваме со нешто застрашувачко, а тоа се тие непотребни интервенции кои што се профит ориентирани. Имаме пролиферација на приватни болници, на кои што интересот им е профитот. Тоа се лесно докажливи работи, ние имаме докази дека одредени центри треба да се затворат од медицински аспект. Да се случува тоа во Англија или Америка тоа ќе биде под клуч. Оперирале без потреба, сечеле граден кош без потреба, имаме докази за тоа. Тоа е фасцинантно нешто, кое што треба релевантните институции да преземат нешто, пред се Министерството за здравство и фондот, бидејќи тие плаќаат некои од овие интервенции. Зборуваме за многу сериозни етички проблеми, поврзани со профит “ изјави Кедев.

Поврзани теми:

Азир Алиу|д-р Сашко Кедев|министерство за здраство|приватни болници

Повеќе на оваа тема:

Најнови вести од: Македонија

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.
Сите вести од Македонија

Најнови вести

To top