Лидерот на Македонски концепт и професор на Воената академија Петар Богојески објави дека не го прифаќа извинувањето од професорката Мирјана Најчевска и дека постапката ќе оди на суд.
Најчевска објави извинување за тоа што го нарекла Богојески глуп како точак но во извинувањето има многу други елементи поради кои лидерот на Македонски концепт смета дека мора да се оди на суд.
,,ИЗВИНУВАЊЕТО од Најчевска (точакот) НЕ СЕ ПРИФАЌА!
ПОСТАПКАТА ЌЕ ПРОДОЛЖИ пред надлежен суд!
Сите лица, без основно домашно воспитување и нормална општествена социјализација, мора да бидат превоспитани! Во овој момент со актуелно расположливи средства, а во иднина и со останати, согласно ЗЗД! Во име на нормалноста и државноста!”, објави Богојески.
Преносно Најчевска објави извинување кое го пренесуваме:
ЈАВНО ИЗВИНУВАЊЕ
На 18.08.2025 преку адвокат ангажиран од Петар Богојески добив барање за извинување за мојот ФБ статус објавен на 5.08.2025 година во кој го нарекувам глуп како точак, а во врска со написот објавен во медиумот Фокус под наслов: “Богојески за скандирањата „Мртов Шиптар, добар Шиптар“: „Да не се срамиме што сме Македонци. Да не се плашиме што сме гласни“
(https://www.facebook.com/MNajcevska/posts/pfbid05Yp5YMcb3S61JDUzSSvXCaE1xzsn7WEBxWGQAGwNj27aNFSVm2oNvuBnovo4QJiml).
СО ОВОЈ ПОСТ ЈАВНО СЕ ИЗВИНУВАМ ЗА КАЖАНОТО. ВО МОЈОТ ПОСТ СЕ УПОТРЕБЕНИ НЕСООДВЕТЕН РЕЧНИК И НЕСООДВЕТНА СПОРЕДБА.
РЕЧНИКОТ Е НЕСООДВЕТЕН ЗАТОА ШТО НЕ СТАНУВА ЗБОР ЗА ГЛУПОСТ. СТАНУВА ЗБОР ЗА СВЕСЕН ГОВОР НА ОМРАЗА И ПОТТИКНУВАЊЕ НА МЕЃУЕТНИЧКИ КОНФЛИКТ. Ова е очигледно од пораката која што јавно ја објавува Петар Богојески и во која постапувањето на ЈО против навивачите кои скандираат “Добар Шиптар, мртов Шиптар“ и “Гасна комора за Шиптари“ го нарекува лов на вештерки ( “Денес, македонските навивачи стануваат жртва на лов на вештерки, само затоа што имаат љубов кон Македонија!“).
Тој во исто време ги повикува младите за слични акции “Македонските млади не се криминалци! Тие се гласот на една потценета генерација што уште верува во сопствената земја!“ и да не се плашат да бидат гласни (најверојатно извикувајќи уште погласно “Добар Шиптар Мртов Шиптар“ и “Гасна комора за Шиптари “).
СПОРЕДБАТА Е НЕСООДВЕТНА затоа што го имам споредено Богојески со точак што е крајно навредливо за сите оние кои ги ценат точаците како спортски реквизит и како еколошко средство за превоз (што ми беше добронамерно укажано од страна на поголем број луѓе).
ВО ИСТО ВРЕМЕ ГО ПОВИКУВАМ ЈО ДА ГИ ИСПИТА ОСНОВИТЕ ЗА ПОВЕДУВАЊЕ ПОСТАПКА ПРОТИВ ПЕТАР БОГОЈЕСКИ ЗА ГОВОР НА ОМРАЗА И ПОТТИКНУВАЊЕ НА ЕТНИЧКИ КОНФЛИКТ, посебно во светлото на податокот дека станува збор за континуирано и систематско употребување на говор на омраза и намерни навреди поврзани со етничка припадност, уверување, политичка/партиска припадност и род (што беше случај и во емисијата на Канал 5 во која прв пат го нареков Богојески глуп како точак како нужна одбрана откако бев изложена на серија навреди и омаловажувања на кои не реагираше и не ги спречи новинарката која ја водеше емисијата):
Често со отворена поддршка за профашистички идеи:
За ова на различни начини подолг период реагираат поголем број организации и индивидуи:
– https://mzd.mk/mk/vesti/petar_bogojeski/
– https://koha.mk/mk/nje-antishqiptar-do-te-udheheq-me-fondet-e-erazmus/
– https://meta.mk/racin-javnata-komunikacija-na-petar-bogojeski-ja-smetame-za-nedolichna-i-agresivna/
– https://libertas.mk/levica-so-tuzhba-za-kleveta-i-krivichna-pri-ava-protiv-petar-bogo-eski/
– https://24.mk/details/koalicijata-vredi-so-krivichna-protiv-petar-bogojeski
– https://vistinomer.mk/nacionalnata-agencija-za-evropski-programi-dobi-direktor-so-antievropski-stavovi/
– https://racin.mk/makedonija/od-zabegani-ste-i-bolni-do-direktor-na-agenczijata-shto-upravuva-so-parite-od-erazmus-koj-e-navistina-petar-bojevski/
Говорот на омраза е сам по себе опасен и деструктивен, меѓутоа континуирано и систематски употребен од страна на професор на Воената академија, станува исклучително опасен и бара итна реакција. А со оглед на поголемиот број случаи на говор на омраза од страна на Петар Богојески го повикувам републичкиот јавен обвинител да испита зошто до сега не е поведена постапка против него.
ЗНАЧИ, УШТЕ ЕДНАШ ДА ГО ПОВТОРАМ МОЕТО ИЗВИНУВАЊЕ ШТО ГО НАРЕКОВ ПЕТАР БОГОЈЕСКИ ГЛУП. ТОЈ НЕ Е ГЛУП ТУКУ ОПАСЕН ЧОВЕК ЗА ДЕМОКРАТСКОТО ОПШТЕСТВО КОЕ ГО ГРАДИМЕ И ЗА МУЛТИКУЛТУРНАТА ЗАЕДНИЦА ВО МАКЕДОНИЈА БАЗИРАНА НА ПОЧИТУВАЊЕ НА РАЗЛИЧНОСТИТЕ.
#најче #точакот