Камерите на МВР открија застрашувачка ситуација во Скопје каде опасни инциденти сњ случувале на секои 15 секунди а вкупно сњ регистрирани дури 65.000 прекршоци за првите 12 часа работа на системот „Сејф сити“.
Преку системот „Безбеден град“,оза пола ден се регистрирани дури 2.800 поминувања на црвено.
Министрот Тошковски најавува строга дигитална контрола и нулта толеранција за несовесно возење.
Министерот Панче Тошковски соопшти дека во само половина ден камерите регистрирале вкупно 65.000 сообраќајни прекршоци, бројка што ја надминува и најпесимистичната прогноза и го отсликува катастрофалниот степен на некултура во сообраќајот.
Поминување на црвено на секои 15 секунди
Според деталната анализа, системот во првите 12 часа забележал 2.800 поминувања на црвено светло, што значи дека на секои 15 секунди по еден возач го прекршувал правилото.
Покрај тоа, откриени се и 1.000 нерегистрирани возила кои учествувале во сообраќајот. Министерот Тошковски истакна дека ваквите бројки ја потврдуваат неопходноста од автоматски санкции со цел да се подигне безбедноста и да се намалат ризиците на улиците.
Според најавата со имплементацијата на системот започнува нова етапа во дигитализирањето на процесот на казнување.
Прекршителите ќе добиваат електронски известувања, поткрепени со снимки и техничка документација, со што се отстранува можноста за селективност.
Тошковски нагласи дека примарната цел не е казнување, туку воспоставување ред и нулта толеранција кон несовесното возење. Ќе важи без разлика дали се работи за урбани зони или патишта надвор од населени места.
Системот сè уште е во пробна фаза, а граѓаните добиваат информативни известувања пред почетокот на реалната наплата.
Ако трендот продолжи по Нова Година во државниот буџет ќе се слеваат милиони од возачите прекршители на законот.