Македонија

Ќе добие ли Скопје нови градски автобуси?!

Од околу 130 наши автобуси што беа во функција, сега од гаражите излегуваат 180 автобуси. Значи, имаме зголемено за 50 функционални автобуси. Дополнително зголемен е и бројот на автобусите на приватните превозници, кои во минатото од различни причини одбиваа да сообраќаат на дел од линиите, кажа скопскиот градоначалник.

2 минути за читање

Скопскиот градоначалник Орце Ѓорѓиевски вели дека состојбата со јавниот превоз во Скопје ќе се нормализира откако ќе пристигнат новите 100 автобуси што ги набавува Владата, но и дополнително со реализација на проектот за брз автобуски превоз – БРТ. Одговарајќи на советничко прашање на седница во Градот Скопје, кажа дека состојбата со јавниот превоз е подобрена, како и дека во моментот на линиите сообраќаат 180 автобуси.

  • „За брзо мислам дека таа голгота со јавниот превоз ќе заврши конечно. Од околу 130 наши автобуси што беа во функција, сега од гаражите излегуваат 180 автобуси. Значи, имаме зголемено за 50 функционални автобуси. Дополнително зголемен е и бројот на автобусите на приватните превозници, кои во минатото од различни причини одбиваа да сообраќаат на дел од линиите“, рече тој.

Според него, состојбата во јавниот превоз не е идеална, но го даваат максимумот и смета дека таа е подобрена во однос на претходно.

  • „Дали е идеална или таква каква што сакаме да биде? Далеку е од тоа. Не е. Но, тоа ќе го решиме, како што споменав, при завршување на целиот процес за набавката на автобусите, од една страна, и дополнително БРТ, знаете дека е еден од проектите на кои работиме со силен интензитет“, кажа Ѓорѓиевски.

Рокот до кој фирмите можеа да аплицираат на тендерот за набавка на нови еко автобуси заврши, но од Министерството за транспорт не соопштуваат колку понуди биле доставени и дали се од домашни или меѓународни компании.

  • „Откако ќе се прегледаат сите пристигнати понуди, ќе ја информираме јавноста за понатамошните чекори“, одговорија од Министерството за транспорт.

Ова е втор обид Градот да добие нов јавен превоз. Според условите наведени во тендерот, еко автобусите треба да се во бела или црвена боја и да можат да примаат најмалку 66 патници.  Проценките се дека ќе чинат околу 50 милиони евра,  кои ќе се отплаќаат од буџетот.

Во домашниот буџет за оваа намена за годинава се предвидени околу 5 милиони евра. Тендерот опфаќа и набавка на полначи за автобусите. Претходниот тендер пропадна откако на повикот се пријави само една компанија која не ги исполнувала условите.

Поврзани теми:

актуелно|Орце Ѓорѓиевски|Град Скопје|ЈСП|автобуси

Повеќе на оваа тема:

Најнови вести од: Македонија

Кафулиња и маркети ќе му плаќаат на „Комуналец“ за сопствени контејнери и собирање ѓубре

Од Град Скопје појаснуваат дека досегашната одлука не содржела одредби за оваа комунална дејност, поради што се наметнала потребата од нејзино дополнување. Со новите измени, ЈП „Комунална хигиена“ се утврдува како единствен овластен субјект за собирање и транспорт на комуналниот комерцијален отпад на територијата на градот.

Татко и двајца синови осомничени за брутален напад со боксови и нож врз двајца на гробишта во Бутел

Основно јавно обвинителство Скопје поведе постапка против три лица осомничени за кривично дело „насилство“ по член 386 став 3 во врска со став 1 од Кривичниот законик, по вчерашниот инцидент во Бутел. Според Обвинителството, на 7 април осомничените – татко и неговите два сина – во група малтретирале и грубо навредувале двајца оштетени, предизвикувајќи чувство […]

Објавена Заедничка изјава за стратегискиот дијалог меѓу Македонија и САД – јакнење на соработката во клучни области, вклучително енергетиката и економијата, одбраната и безбедноста

Владите на Република Македонија и Соединетите Американски Држави денеска објавија Заедничка изјава по одржувањето на втората сесија на Стратешкиот дијалог во Вашингтон, предводена од министерот за надворешни работи и надворешна трговија, Тимчо Муцунски и заменик-државниот секретар Кристофер Ландау. Заедничката изјава е достапна на веб-страницата на Министерството за надворешни работи и надворешна трговија. Како што информираат […]

Мицкоски до Филипче: Бројките и мерките се во полза на оваа Влада, имаме една од најниските стапки на инфлација

Мерката што ја направи Владата за намалување на ДДВ од 18 на 10 отсто за нафтените деривати, а сега и можноста Регулаторната комисија да ги намали акцизите и на дизелот и на безоловните горива, придонесе на месечно ниво да имаме една од најниските стапки на инфлација – порача денеска од говорницата на македонското Собрание претседателот на Владата, Христијан Мицкоски.

Ацо Ристов е нов претседател на Регулаторната комисија за енергетика на местото на Бислимовски

Собранието на Македонија со 68 гласа „за“ попладнево го избра Ацо Ристов за нов претседател на Регулаторната комисија за енергетика. Ристов доаѓа на позицијата на Марко Бислимовски, кој поднесе оставка во февруари годинава.

Петрушевски: Партнерите на Дака – СДС, Филипче и Заев молчат за поткупот од 4 милиони евра за ДУП-от во Тетово

„Нема одговори од СДС, Филипче и Заев за тоа каде завршиле 4 милиони евра кои Дака според аудио снимките од неговиот разговор со Кичеец, му ги дал на Заев за градење на 2.000 станбени единици во Тетово. Дали Заев освен овие 4 милиони евра, требал да добие и процент од продажбата на становите, чија вредност би достигнала во тоа време околу 200 милиони евра?“ – нагласува пратеникот од ВМРО ДПМНЕ Бране Петрушевски во обраќањето кон јавноста.

В.Л. пукал со службен пиштол во двор, а куршумите завршиле во соба на соседите – ќе одговара кривично заедно со уште еден полицаец

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство Прилеп поднесе кривична пријава против В.Ј. поради постоење основи на сомнение за сторени кривични дела „предизвикување на општа опасност“ и „попречување на правдата“ и против А.Л. поради постоење основи на сомнение за сторени кривични дела „помагање“ во врска со „предизвикување на општа опасност“ и „попречување на правдата“.

Стратегија за за 2026–2031 година, заради зачувување на македонскиот јазик, идентитет и култура во Ниш

Во Ниш e претставена Стратегијата за развој и дејствување на Националниот совет на македонската национална заедница за наредните пет години, која ги одредува клучните правци во образованието, културата, информирањето и употребата на јазикот. Целта е зајакнување на македонската заедница, институционална соработка, локален развој и користење на фондовите на ЕУ, истакна претседателката на Националниот совет, Зорица Митровиќ.
Сите вести од Македонија

Најнови вести

To top