Македонија

Ќе се примат 300 нови професионални војници во АРМ – Повик до младите да работат во служба на татковината!

Министерството за одбрана на Република Македонија денеска го објави новиот Јавен оглас за прием на 300 професионални војници во служба на Армијата на Република Македонија.

1 минута за читање

Општите услови (да се македонски државјани, да се полнолетни и да имаат посебна здравствена и физичка способност), посебните услови (да имаат завршено средно образование и да не се постари од 25 години на денот на завршувањето на огласот за прием на професионални војници), како и сите останати детали се наведени во јавниот оглас, кој е објавен на веб-страницата на Министерството за одбрана. Јавниот оглас трае 15 дена вклучувајќи го денот на објавување.

Министерството за одбрана на Република Македонија ги повикува сите млади и заинтересирани граѓани да ја искористат оваа можност, да работат во служба на татковината и да бидат дел од Армијата на Република Македонија, која нуди стабилна и сигурна кариера, континуирана обука и личен развој, развој на тимски вештини и вистински вредности.

Деталите можат да се најдат на следниот линк: https://mod.gov.mk/mk-MK/oglasikonkursi/javni-oglasi

 

 

 

Поврзани теми:

актуелно|Армија на Република Македонија|Министерство за одбрана на Република Македонија|оглас за прием на 300 нови професионални војници

Повеќе на оваа тема:

Најнови вести од: Македонија

Учителката на Катја: Црташе весели цртежи со насмеани сонца – На последното доаѓање на настава пред смртта беше многу среќна поради новата облека

Училиштето било информирано за семејното насилство во домот на првачето Катја уште на почетокот на учебната година – сведочеше нејзината класна наставничка на денешното судско рочиште во Основниот кривичен суд. Пред судот таа детаљно го опиша однесувањето на Катја, контактите со мајка ѝ Ивана и таткото Стојанче, како и настаните што му претходеле на 2 март, денот кога мајката Ивана се самоуби заедно со шестгодишната ќерка Катја скокајќи од стан во скопската населба Тафталиџе. Во однос на кобниот 2 март, наставничката детаљно го опиша последното доаѓање на Катја на настава сведочејќи дека девојчето тој ден било среќно, а наставата ја напуштило по завршувањето на часот по физичко образование кога било земено од мајка ѝ.

ЕТИАС и електронската дозвола за влез во Шенген ќе стартува во последното четиримесечје од 2026

Електронската патна дозвола на Европската унија – ЕТИАС – треба да започне со примена во последното четиримесечје од 2026 година. Неколку месеци однапред ќе биде објавен точниот датум на почнувањето.

Савески: За одлуката на Ристоска дознав преку смс-порака, повлекувањето на овластувањата не беше лично

Државниот јавен обвинител Ненад Савески изразува жалење за оставката на обвинителката Ленче Ристоска велејќи дека за причините за ваквата одлука дознал од медиумите. Тој тврди дека одлуката за одземање на овластувањата кои на Ристоска ѝ биле дадени од претходните обвинители не е персонална и насочена кон нејзината работа

„Алкалоид“ одликуван со плакета за најдолго котирано акционерско друштво на Македонската берза

По повод одбележувањето на јубилејот 30 години од почетокот на организираното тргување со хартии од вредност во Македонија, Македонската берза организираше свечен настан на кој присуствуваа претставници на институциите, финансискиот сектор, деловната заедница и долгогодишни партнери.
Сите вести од Македонија

Најнови вести

To top