Македонија

Клековски и Аџигогов спасиле 2000 тешко болни пациенти од непотребно малтретирање

Мал чекор за ФЗОМ но огромен за пациентите со канцер

1 минута за читање

Менаџментот на Фондот за здравствено осигурување со еден потег ја намалиле малата на огромен број онколошки пациенти со ставање на неколку евтини лекови за канцер на позитивната листа која се набавува со партиципација.

 

Од сега пациентите со оваа тешка болест ќе можат да ги подигаат лековите во аптека со дигитални рецепти и не мораат да одат до Универзитетската клиника за радиологија и онкологија.

Информацијата за овој мал чекор за Фондот за здравство но огромен за онколошките пациенти ја открива онкологот Милан Ристевски кој јавно се заблагодари на првите луѓе на фондот во име на пациентите.

 

,,ФЗОМ, Сашо Клековски и Бранко Аџигогов, конечно направивте нешто што го бараме од времето на Маја Парнарџиева како директор на ФЗОМ – да се стави евтината ендокрина терапија (анастразол, летрозол и бикалутамид) на аптекарска позитивна листа, не само на болничката. Браво момци, спасивте барем 2000 непотребни патувања месечно до УКРО, бензин, време и на пациентите и на докторите, гужва по ходници”, пишува лекарот Ристевски.

 

Поврзани теми:

топ|Милан Ристевски|Сашо Клековски|Бранко Аџигогов|Фонд за здравствено осигурување

Повеќе на оваа тема:

Најнови вести од: Македонија

Муцунски: Ахмети живее во фолклорот од пред 20 години

Според Муцунски, по повеќе од 20 години, свеста на Ахмети останува заглавена во тие времиња, особено во однос на предлозите за избор на Влада со Бадентерово мнозинство во парламентот и одлучување во Уставниот суд со двојно мнозинство за закони донесени со тој механизам.

Муцунски: Нема да примаме мигранти, ниту одбиени баратели на азил од Велика Британија

Во интервјуто за „360 степени“ на Првата програма на Македонската телевизија министерот за надворешни работи и надворешна трговија Тимчо Муцунски вели дека и покрај тоа што најповиканите во државата – претседателката, премиерот, министерот за надворешни и министерот за внатрешни работи, одговориле на темата, опозицијата одлучи сè уште да ја шири таа паника.  Тој смета дека темата за прием на одбиени баратели на азил во земјава шпекулативно ја отвориле медиуми од Велика Британија и тоа не само за Македонија. „Таква дискусија и намера од нашата влада ниту имало, ниту ќе има. Во ниедна форма, и легални и нелегални, вакви, такви, никакви мигранти нема да бидат примени во нашата држава врз основа на која било форма на договор со Велика Британија.“ – нагласува министерот Муцунски.

Послеконгресно „лавовско ревење“ на Ахмети: Не сум претставник на мачките, туку на лавовите! Ако излезам на улица, повеќе не се враќам!

На денешната предновогодишна средба со новинарите лидерот на ДУИ Али Ахмети изјави дека „планот А останува развој и напредок на државата“. Тој изрази „надеж“ дека „нема да оди по план Б“. „Ако излезам на улица, не се враќам повеќе дома. Јас не сум претставник на мачки, туку на лавови!“ – додаде Ахмети. Ова го објави весникот на албански јазик „Лајм“. Што содржи „планот Б“ на „претставникот на лавовите“ – Али Ахмети?! Кому и поради што му се заканува со можно „излегување на улица“, ако не му се исполнел „планот А“, бездруго она што го договориле на нивниот саботен Конгрес?!
Сите вести од Македонија

Најнови вести

To top