Македонија

Кој поднесе, поднесе – истече рокот за нови кандидатски листи за локалните избори

Дури 312 листи на кандидати за градоначалници и 575 листи на кандидати за советници на општините и Град Скопје за локалните избори следниот месец. Најголем број се за престолнината – 18 кандидати се во трка за прв човек на градот а 20 листи има за членови на советот.

2 минути за читање

За претстојните локални избори на 19 октомври, Државната изборна комисија соопшти дека се поднесени рекордни 312 кандидатски листи за градоначалници и 575 листи за советници во општините и Градот Скопје. Најголем интерес има во главниот град, каде што 18 кандидати ќе се борат за градоначалничката фотелја, а за Советот на Град Скопје се поднесени 20 листи.

Во скопските општини, најмногу кандидати има во Шуто Оризари – 8 имиња во трка за прв човек на општината. Во Карпош се очекува жестока политичка битка, каде што актуелниот Стефчо Јакимовски ќе се обиде да освои петти мандат, а противници ќе му бидат Сотир Лукровски (поддржан од ВМРО-ДПМНЕ) и докторката Маја Мојсова (поддржана од СДСМ). Во Центар пак, независната Билјана Ивановска може да ја наруши рамнотежата меѓу Горан Герасимовски (СДСМ) и Мирослав Лабудовиќ (ЗНАМ), додека за советничките места се поднесени 9 листи.

Во Куманово, градоначалничката трка ќе ја водат 8 кандидати, меѓу кои актуелниот Максим Димитриевски и Мартин Костовски (СДСМ), а учество ќе земат и Левица, ВЛЕН, ДУИ и независни групи.

Струга бележи 9 кандидати за градоначалник, меѓу кои претставници на Левица, ДУИ, ВРЕДИ, како и повеќе независни групи. Во Охрид се поднесени 4 кандидатури за градоначалник и 11 листи за советници.

Албанскиот политички блок ќе води клучни битки во Тетово, Гостивар, Сарај, Боговиње, Липково и Арачиново, а најжестоката ќе биде во Чаир – меѓу поранешните сопартијци Бујар Османи и Изет Меџити.

Во Кочани, каде што во март годинава се случи трагедијата во „Макпрогрес“, за функцијата градоначалник ќе се борат 6 кандидати, а за советничките места се поднесени 9 листи, најголем дел од независни.

Кампањата за првиот круг на изборите почнува на 29 септември, додека граѓаните на 19 октомври ќе го дадат својот глас за идните локални власти.

Поврзани теми:

избори|советници|ДИК|локална власт|кандидатури|самоуправа|новитети|топ|градоначалник

Повеќе на оваа тема:

Најнови вести од: Македонија

Литовски: Битолскиот одред „Пелистер“ разбиен на 3.5.1942 од бугарските окупатори, кои ја усмртија Елпида, влечејќи ја врзана за кола низ селата, за да ги заплашат Македонците!

На денешен ден, на 3 мај 1942 година, над селото Ореово, Битолско, Битолскиот народноослободителен партизански одред „Пелистер“ бил опкружен и разбиен од бугарската фашистичка окупаторска војска и полиција, откако преку предавство бил лоциран еден ден претходно. Оваа единица на НОВ и ПО на Македонија била формирана на 22 април 1942 г. од 19 борци. Во борбата загинаа народниот херој Елпида Караманди, која била тешко ранета, заробена и набрзо свирепо убиена, Димитар Николовски-Таќи Даскало, Димче Хаџи Поповски, Мара Јосифовска-Ѓурѓа, Ордан Михајловски-Оцката и Ордан Орданоски-Сандански. Сите биле борци на овој партизански одред. Ова го истакнува универзитетскиот професор и историчар д-р Александар Литовски од Институтот за национална историја од Скопје во својата научна статија со наслов „ 3.

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!
Сите вести од Македонија

Најнови вести

To top