Македонија

Колку сега изнесуваат платите во јавното здравство во Македонија?!

Со постигнатиот договор со репрезентативните синдикати е предвидено дополнително зголемување на платите во јавното здравство од најмалку 5 проценти во март 2026 година, согласно спогодбата од 2025 година која предвидува раст од 5 до 7 проценти. Клековски нагласува дека постои јасна и континуирана посветеност на институциите кон соодветно вреднување на трудот на здравствените работници.

2 минути за читање

Во јавноста се создаваат перцепции дека институциите се спротивставуваат на зголемувањето на минималната плата, но ваквите тврдења не се основани, оценува директорот на Фондот за здравствено осигурување, Сашо Клековски. Како што посочува тој, примерот на јавното здравство јасно покажува дека надлежните институции не само што не се пречка, туку активно го поддржуваат растот на платите.

Според Клековски, најниската основна нето плата во јавното здравство во 2025 година изнесува 27.158 денари, што претставува номинално зголемување од 22,2 отсто во однос на 2023 година, додека реалното зголемување изнесува 13,4 проценти. Ова значи дека растот е повисок од инфлацијата во истиот период, а најниската плата во здравството е за 11,4 отсто над минималната плата во државата. Тој наведува дека основната нето плата на медицинските сестри со средна стручна спрема, согласно гранковиот колективен договор, во 2025 година изнесува 31.934 денари. Во однос на 2023 година, оваа плата бележи номинален раст од 24,5 отсто, додека реалното зголемување е 15,6 проценти.

Клековски посочува и дека просечната нето плата во здравството, според податоците на Државниот завод за статистика, во 2025 година изнесува 50.327 денари. Во споредба со 2023 година, тоа е номинално зголемување од 15,8 отсто и реален раст од 7,5 проценти, при што просечната плата во здравствениот сектор е за околу 9,5 отсто повисока од просечната плата во целокупната економија.

  • Овие податоци јасно покажуваат дека платите во здравството не растат само номинално, туку и реално, што значи вистинско подобрување на стандардот на здравствените работници – истакнува директорот на Фондот за здравствено осигурување.

Тој додава дека со постигнатиот договор со репрезентативните синдикати е предвидено дополнително зголемување на платите во јавното здравство од најмалку 5 проценти во март 2026 година, согласно спогодбата од 2025 година која предвидува раст од 5 до 7 проценти. Клековски нагласува дека постои јасна и континуирана посветеност на институциите кон соодветно вреднување на трудот на здравствените работници.

Поврзани теми:

топ|Македонија|Скопје|плати|здравство|лекари

Повеќе на оваа тема:

Најнови вести од: Македонија

Екс-директорите на Онкологија, Васев и Нухи, остануваат во притвор, не помага ниту гаранција од 350.000 евра

Кривичниот совет на Основниот кривичен суд – Скопје денеска го одби предлогот на одбраната за укинување на притворот на обвинетите Нино Васев и Нехад Нухи во предметот „Онкологија 2“ иако беа понудени имотни гаранции во вредност од над 350.000 евра. Судот оцени дека не се промениле околностите за применување поблаги мерки, а истовремено појасни дека нема надлежност да одлучува за гаранција во оваа фаза од постапката.

Ѓорѓиевски: Постигнат е договор – булеварот „Борис Трајковски“ конечно се довршува!

„Со искрено задоволство ја споделувам веста, што со години ја чекаа повеќе од 100 илјади жители, кои секојдневно го користат еден од најклучните сообраќајни правци во Скопје: булеварот „Борис Трајковски“. Денес остварив средба со стопанствениците долж трасата и постигнавме договор за забрзано спроведување на експропријацијата, процес кој во минатото останал недовршен.“ – објави на својот фејсбук-профил градоначалникот на Скопје Орце Ѓорѓиевски.

Костадиновски: Што е спорно ако биде Наумовски уставен судија? И јас сум бил советник на тројца претседатели!

Нема ништо спорно во предлогот професорот Гоце Наумовски да биде нов уставен судија, без оглед што бил советник на премиерот, смета претседателот на Уставниот суд Дарко Костадиновски.

Лидија Раичевиќ, кандидат за државен јавен обвинител: Обвинителот треба да учествува активно во откривањето на кривичните дела!

Лидија Раичевиќ, кандидат за државен јавен обвинител за Канал77 истакна дека борбата против корупцијата не може да се спроведе без активна улога на јавниот обвинител.

ВМРО-ДПМНЕ: Заев и Филипче летаа со државен хеликоптер од Скопје до Прилеп, ДУИ користеше авион до Ниш, но заврши времето на злоупотреби!

СДС повторно покажува дека нема никаква визија и идеја за развој на Македонија. СДС без идеи секојдневно растура пердуви во јавноста и шири дезинформации, се наведува во соопштението од ВМРО-ДПМНЕ. Јавноста добро памети дека Заев и Филипче одеа на настани во Македонија со државен хеликоптер. ДУИ владиниот авион го користеше и за летови до Ниш. Јавноста добро се сеќава дека од 30 дена, владиниот авион ексминистрите на ДУИ и СДС го користеле 25 дена. – истакнува ВМРО ДПМНЕ во своето соопштение.

Советот на јавни обвинители испрати до Владата позитивни мислења за Анита Тополова-Исајловска, Ленче Ристовска, Ненад Савевски и Лидија Раичевиќ

Советот на јавните обвинители ги разгледа пријавите на петте кандидати за нов државен јавен обвинител. Дадено е позитивно мислење за кандидатурите на в.д. државната јавна обвинителка Анита Тополова-Исајловска, обвинителката Ленче Ристовска, судијата од Кривичниот суд, Ненад Савевски и обвинителката од скопското Обвинителство Лидија Раичевиќ. Разгледувајќи ја кандидатурата на поранешниот претседател на Кривичниот суд Владимир Панчевски, Советот на јавните обвинители едногласно одлучи дека тој не го исполнува условот за непрекинат работен стаж од најмалку 10 години како јавeн обвинител, или како судиja од областа на кривичното право.
Сите вести од Македонија

Најнови вести

To top