Сенатот на САД вчера изгласа резолуција со која се бара од претседателот Доналд Трамп да спречи продолжување на војната против Иран.
За резолуцијата гласаа 50 сенатори, а 48 се изјаснија „против“. Резолуцијата минатиот месец беше изгласана и во Претставничкиот дом.
Ова е првпат двата дома на Конгресот да усвојат резолуција со која се бара претседателот да повлече американски вооружени сили од воена операција, откако е донесен Законот за воени овластувања во 1973 година.
Резолуцијата не значи дека Трамп од утре автоматски губи право да нареди воен удар врз Иран. Таа е пред сè политички и уставен притисок од Конгресот кој вели: „За продолжена војна или поголема воена кампања, треба наше одобрение.“
Според американската практика, Трамп може да нареди ограничени воени акции или да реагира ако тврди дека има непосредна закана за американските сили или интереси, но не може да води долготрајна војна без поддршка од Конгресот.
Најголемото значење на гласањето е што за првпат значителен број републиканци јавно се спротивставија на продолжување на конфликтот, што е сигнал дека дури и во неговата партија претседателот Трамп нема неограничена поддршка за натамошна ескалација со Иран.