Кос побарала од земјите членки брзо да постигнат договор за „поинаков систем“ за прием на нови членки, бидејќи Брисел стравува дека кандидатурата на Украина за членство ќе го преоптовари застарениот модел на пристапување. Крутиот, со децении стар пристап кон проширувањето во Брисел, според кој последен пат беше примена нова членка во ЕУ во 2013 година, се соочува со уверувањето дека приемот на нови држави е геополитичка нужност.
„Ако постои вистински момент да се забрза проширувањето, тогаш тоа е сега“, изјави Кос за „Фајненшел тајмс“, додавајќи дека е време престолнините на ЕУ „да преминат од зборови на дела“. „Не сум тука за да управувам со ситуација без промени“, рече таа.
Интервенцијата на Марта Кос уследи по предлогот на германскиот канцелар Фридрих Мерц за да се воведе за Украина статус на „придружна членка“, со погодности и интеграција кои би биле под полноправното членство, додека Киев ги спроведува правните реформи потребни за формален влез во ЕУ. Тие идеи наидоа на поделени реакции меѓу другите држави членки на ЕУ. „Тоа е корисно бидејќи ни е потребна сериозна дебата“, рече Кос на прашањето дали Европската комисија го поддржува предлогот на Мерц.
„Ја поддржувам дебатата. Ова е една од идеите и е добар почеток за разговор… Доведувањето на проширувањето до завршницата е тема за лидерите.“, рече Кос,