Според најновите податоци на Државниот завод за статистика, во текот на 2025 година биле регистрирани вкупно 911 бесправно изградени објекти, при што најголем дел од нив се наменети за домување, што само по себе говори дека „дивите градби“ и натаму остануваат сериозен проблем во земјава.
Од купниот број дивоградби, 169 објекти или 18,6 проценти се од категоријата домување. Меѓу нив има 128 станбени куќи, 24 претежно станбени објекти и 17 објекти за одмор и рекреација.
Покрај станбените објекти, значителен број бесправно изградени објекти се огради – 164 или 18 проценти од вкупниот број. Следуваат 116 деловни објекти, 113 натстрешници и 110 доградби, надградби и адаптации.
Во статистиката се евидентирани и 106 помошни објекти, 79 гаражи, 22 летни тераси, 17 времени објекти, девет скалила и шест тераси.
Податоците покажуваат дека најголемиот дел од дивоградбите се во приватна сопственост. Дури 96,1 процент од бесправно изградените објекти им припаѓаат на физички лица и приватни инвеститори.
Најновите бројки повторно го актуализираат прашањето за ефикасноста на инспекцискиот надзор, спроведувањето на законските прописи и мерките за спречување на бесправното градење, кое и понатаму останува еден од позначајните урбанистички проблеми во државата. објави Скопје1.мк