Македонија

Љутков: Мораме постојано да ги поддржуваме децата да читаат и да гледаат македонски филмови и серии, да читаат македонска литература!

-Агенцијата за филм во август конечно, ќе распише конкурс за снимање македонски серии, заедно со националните телевизии, но поголемиот фокус ќе биде на играната детска програма. Мораме постојано да ги поддржуваме децата да читаат и гледаат македонски филмови и македонски серии, да читаат македонска литература, да ги субвенциoнираме со ваучари да купуваат книги. Ова ќе биде една од најважните мерки покрај дигитализацијата, современото творештво и поддршката на граѓанскиот сектор како создавач на свежи, нови идеи и критичка мисла, истакна министерот за култура Зоран Љутков.

1 минута за читање

Претходно, во обраќањето на јавната расправа министерот информира дека со Стратегијата се предвидуваат сет мерки за младите: создавање виртуелен простор за изразување на младите, летни школи за талентирани деца под менторство на етаблирани уметници, обезбедување вредносни ваучери за следење културни настани и купување книги, реализација на капитален проект за издавање книги за деца и млади, како и продуцирање домашна играна или анимирана серија.

-Во средиштето на Стратегијата за развој на културата овојпат се младите, образованието на младото население и нивната вклученост во создавањето и практикувањето на културните вредности. Со сетот мерки што се предлагаат, уверени сме дека ќе влијаеме врз градењето здрава младина која ќе биде носител на позитивните општествени промени. Преку преостанатите планирани активности и мерки содржани во Акцискиот план на Стратегијата, ќе настојуваме да го збогатиме домашното творештво преку откупи на дела, а ќе ја возобновиме и уметничката критика, која е клучен коректив на културните процеси во државата. Ќе го доближиме филмот до домашната публика преку осовременување на киноприкажувачката инфраструктура, подвлече Љутков. (МИА)

Поврзани теми:

избор|младина|министер за култура Зоран Љутков|снимање и гледање македонски серии|читање македонска литература|топ

Најнови вести од: Македонија

Ѓорѓиевски најави можна забрана за мобилни телефони во средните училишта во Скопје!

Градоначалникот на Скопје, Орце Ѓорѓиевски, најави можност за воведување забрана за користење мобилни телефони и во средните училишта во главниот град. Тој посочи дека додека бил градоначалник на Општина Кисела Вода, во училиштата веќе биле воведени правила со кои електронските уреди не биле дозволени за време на наставата, и дека општината била меѓу првите што ја примениле ваквата мерка.

Манасиевски: За СДС и Филипче уставните измени се последниот чекор кон ЕУ, а Радев вели дека и по нив Бугарија ќе други барања!

„СДС и Филипче со рејтинг од само 4 отсто, знаејќи дека во Македонија никој не ги поддржува, ниту им дава на значење, се свртија да одработуваат за странски држави и странски партии. Но, СДС и Филипче треба повеќе да работат за Македонија, отколку да кодошат во Бугарија.“ – нагласува Валентин Манасиевски од Централниот комиет на ВМРО ДПМНЕ во денешното обраќање кон јавноста.

„Н.М“: „Волкот“ Радев, за кого македонскиот е само норма на бугарскиот јазик, го менува крзното, но не и политиката кон Македонија!

„Поканата што македонскиот премиер Христијан Мицкоски му ја упати на новиот бугарски премиер Румен Радев е дипломатски висококоректен потег. Државите разговараат и тогаш кога не се согласуваат. Но дали со доаѓањето на Радев во извршната власт во Софија може да се очекува промена во бугарската политика кон Македонија, или само продолжување на една стратегија што со години произведува блокади, понижувања и негирања? Во 2020 година Радев порача дека „историјата и јазикот не можат да бидат предмет на политички компромис“, практично ставајќи до знаење дека Софија нема намера да го признае македонскиот јазик како посебен историски и национален факт. Во повеќе наврати бугарската политичка елита, предводена токму од Радев, тврдеше дека македонскиот јазик е само „норма на бугарскиот. Дали Радев ќе се откаже од политиката на постојани условувања? Дали ќе престане со реториката што го проблематизира македонскиот идентитет? Дали ќе прифати дека европската иднина на Македонија не може да зависи од историски толкувања? Досега нема ниту еден сериозен сигнал дека навистина постои таков пресврт.“ – се наведува во анализата со наслов „Волкот Радев го менува крзното, но не и политиката кон Македонија“, која е објавена денес во весникот „Нова Македонија“.

Гане Тодоровски: Ој, Македонијо, колку ли уште ни треба, за да те домакедончиме!

„Живите треба да живеат, мртвите ќе починуваат… / Ој, Македонијо, науми почит кои мртвите, / збери ги коските на своите закубеници, / коските Мисирковите, коските Цепенковите, /коските Ѓорче Петровите, / прибери ги во Скопје, / покpaj Гоцевите, покрај најсветите, / и крени крај нив паметник / на неродениот Македонец — Ој, Македонијо, / колку ли уште ни треба / за да те домакедончиме!“ – испеа Гане Тодоровски за Македонија во својата песна „Фуснота без повод“, која е дел од стихозбирката „Горчливи голтки непремолк“ од 1970 година. Овој великан на македонскиот национален идентитет, на македонската книжевност е роден на денешен ден, на 11 мај 1929 година во велешкото село Кожле. Тој е еден од најзначајните македонски поети, академици и интелектуалци. Со своето богато творештво и силен родољубив дух Тодоровски втисна длабока, неизбришлива трага во македонската книжевност, култура и национална мисла.

Општина Аеродром казни фирма со 20 илјади евра, поради незаконско фрлање отпад! -Камионџијата фатен „на дело“ на дивата депонија!

Изминатите неколку дена при вонреден инспекциски надзор во Долно Лисиче во општината, на месноста „Купишта“, затекнат е камион кој незаконски одлагал отпад од градежен шут, спротивно на Законот за управување со отпад. Од страна на општинскиот инспекторат е е изречена глоба од 20 илјади евра во денарска противвредност за правното лице, поради сторениот прекршок, согласно со овој закон.  Издаден е и прекршочен платен налог.
Сите вести од Македонија

Најнови вести

To top