Триесетгодишната жена од гостиварско грубо ја запоставила својата должност за грижа за децата и дозволила две 22-годишни жени да извршат полови дејствија со нејзините деца, додека таа настанот го снимала со мобилен телефон.
Таа, дополнително, видеото со детска порнографија преку апликација ја испратила на нејзиниот сопруг кој се наоѓал во Италија.
Основното јавно обвинителство Гостивар донесе Наредба за спроведување истражна постапка против жената за која постои основано сомнение дека спрема нејзините две деца – девојче родено 2015 година и момче родено 2022 година, сторила кривично дело – Запуштање и малтретирање дете од член 201 став 3 во врска со став 2 и став 1 од Кривичниот законик.
Таа исто така се сомничи и за – Производство и дистрибуција на детска порнографија согласно член 193-а став 1, додека две други жени се осомничени за – Силување на децата кои не наполниле 15 години предвидено во член 188 став 1 од Кривичниот законик, објави Фокус
Јавниот обвинител до судијата на претходна постапка од Основниот суд во Гостивар достави предлог за определување мерка притвор за трите осомничени.