Македонија

Македонија подобра земја за пензионирање од Данска, Холандија, Норвешка, Финска, според списание од САД!

Водечкото американско бизнис списание CEOWorld ја класификува Македонија повисоко од три скандинавски земји и вкупно седум членки на Европската унија според тоа каде е подобро да се замине во пензија! На листата на 80 држави опфатени со меѓународно истражување спроведено во јануари и во март годинава со 126.000 учесници Македонија се најде на 56. место […]

Водечкото американско бизнис списание CEOWorld ја класификува Македонија повисоко од три скандинавски земји и вкупно седум членки на Европската унија според тоа каде е подобро да се замине во пензија!

На листата на 80 држави опфатени со меѓународно истражување спроведено во јануари и во март годинава со 126.000 учесници Македонија се најде на 56. место со 46,22 поени од можни 100.

Зад неа се Данска (57. место), Холандија (58.), Летонија (62.), Унгарија (66.), Норвешка (67.), Романија (68.), Финска (72.), Словачка (73.) итн.

На врвот на рангирањето е Нов Зеланд со 71,78 поени, втор е Луксембург, трета Швајцарија, а во топ-10 се уште Канада, Австралија, Шпанија, Португалија, Малта, Франција и Тајланд по тој редослед.

Од земјите во регионот Словенија е на 11. место, Грција е 20., Бугарија 36., Црна Гора 41., а Хрватска 55.

Истражувачите на CEOWorld собраа, анализираа и споредија 80 земји во 11 клучни категории за да го утврдат рангирањето. Овие категории вклучуваат: емигрантска заедница, можноста да се разбереш на англиски јазик, здравствена заштита, трошоци за живот, достапност, прифатливост на даноците, пријатна клима, леснотија на купување и поседување имот, барања за виза и престој, стабилност на владата и леснотија на асимилирање.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top