Македонија

Македонија веќе има еден дата-центар (ВИДЕО)

Основната намена на центарот е да овозможи целосно зачувување и заштита на податоците од примарниот информатички систем во случај на природни непогоди (како земјотреси), човечки фактор, вандализам, тероризам или ненадејни падови во електричната мрежа

Во услови кога траат расправите околу тоа дали е потребна или, пак, е „опасна“ изградба на Дата-центар во околината на Пехчево, треба да се потсети дека Македонија веќе го има можеби најсовремениот центар за чување и заштита на податоци и опоравување од катастрофи на Балканот, кој е изграден на два километри од Прилеп, во 2023 година.

Симов: Да бидеш против дата центар е исто како да си против хидроцентрали и енергетска мрежа пред 100 години

Монументалниот објект, реализиран од страна на Министерството за внатрешни работи (МВР), и со инвестиција вредна 11,5 милиони евра, претставува прв ваков државен проект во целиот регион.

Основната намена на центарот е да овозможи целосно зачувување и заштита на податоците од примарниот информатички систем во случај на природни непогоди (како земјотреси), човечки фактор, вандализам, тероризам или ненадејни падови во електричната мрежа.

Проектот за овој единствен објект е дело на белградското студио „1Х2 Студио“ предводено од архитектот м-р Зоран Абадиќ. Градбата е специфично конципирана со цел да понуди максимална физичка заштита:

Зградата, функционално е поделена на два дела, на кружен прстен за сместување на техничка опрема, инсталација и централно јадро, кое е сервер соба, додека кружниот прстен е исполнет со простории за сместување на машински, електрични и телекомонукациски инсталации, вклучувајќи и простории за провајдерот.

Останатиот дел од објектот е наменет за сместување на вработени лица, како мрежни техничари, оператори, обезбедување и сл.

Работното време е 24/7 часа, а пристапот е строго ограничен.

Сервер собата е како соба во соба и обезбедува највисок степен на физичка заштита. Вградените системи обезбедуваат сеопфатна заштита и безбедност на серверите, мрежните компјутери и системите за комуникација.

Основната структура на објектот е двојна бетонска конструкција од масивни армирани бетонски ѕидови, кои се исполнети со високо ефикасни изолациски материјали, кои гарантираат највисок степен на заштита од пожари.
Она што е особено интересно е дека сите структури на објектот, таванот, ѕидовите, покривот, се без какви било отвори.

Пристапот до објектот е строго забранет за кој било освен во официјални посети.

Освен дебелите ѕидови, просторот е дополнително ограден со ограда, постои 24-часовен видео надзор, како и дополнително, вооружено физичко обезбедување.

 

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

Micro RGB: пристигна супер-автомобилот помеѓу телевизорите

Секоја индустрија има свој врв. Автомобилската индустрија ги има супер – спортските автомобили, а светот на телевизорите сега го има Micro RGB. Најновата водечка технологија на “Samsung“ ја носи најчистата боја што компанијата досега ја прикажала, со посебен фокус на удобноста при гледањето.

To top