Македонски диригент ја крена публиката на нозе на еден од најголемите летни фестивали на Егејот.
Нашиот маестро Андреј Наунов се појави како главен предводник на големиот меѓународен уметнички настан на островот Сирос, каде диригираше со комплетен наш ансамбл, хор и солисти.
На сцената на престижниот историски театар „Аполон“ во Ермуполи се изведоа две големи оперски претстави од ремек-делото „Девојката од Западот“ од Џакомо Пучини, како и спектакуларен симфониски концерт, објави Галама.мк.
Странските критичари не штедат пофални зборови за македонскиот талент, емоција и техничка прецизност со кои нашите уметници се запишаа во историјата на ова 21-во издание на фестивалот.
Ова уште еднаш докажува дека културата и уметноста се нашето најсилно оружје во светот, кое успева да ги премости сите граници и бариери.
Наместо постојано да се наметнуваат теми кои раздвојуваат, токму ваквите настани покажуваат како вистинските вредности ги зближуваат луѓето.
Настанот е уште еден доказ дека ваквите историски уметнички моменти за жал поретко добиваат простор во јавноста во споредба со секојдневните политички случувања.
Фото: Приватна архива / Андреј Наунов