Министерството за надворешни работи на Црна Гора информира дека авионот со 138 патници, кој полета од Дубаи, утрово во 11:00 часот по локално време, успешно слетал на аеродромот Тиват.
Летот за евакуација бил извршен благодарение на одличната координација на Владата на Црна Гора со компанијата Fly Dubai и Амбасадата на Црна Гора во Абу Даби, се вели во информацијата од Подгорица.
На овој лет, покрај граѓаните на Црна Гора, имало и граѓани на Србија, Босна и Херцеговина, Хрватска, Македонија, Италија, Грција, САД, Турција и Јужна Африка.
Засега не е познато за колку македонски граѓани се работи.