Првиот министер за надворешни работи на Македонија Денко Малески бара од официјално Скопје беспоговорно исполнување на бугарските барања.
Дополнително тој бара во односите со ЕУ да не се бара правда од Брисел.
Малески овие ставови ги гради на премисата дека кога од некого нешто бараш не можеш да поставуваш услови туку само спроведуваш.
Во неговата најнова колумна тој не кажува ни збор за веќе сменетиот устав и име направено по принципот кој го заговара самиот.
,,Во реалниот свет, апликантот беспоговорно ги исполнува условите на организацијата во која сака да влезе или, ако тие не му се по волја си бара друго чаре. Но, еве веќе триесет и пет години ние никако да разбереме дека сојузите се формираат за да ги бранат интересите на своите членки, а како најсилен доказ за тоа е нивното поединечно право на вето.
Ги загубивме „златните години“ на ЕУ заради тоа што се повикуваме на правдата, таму каде што најмалку ја има: во меѓународните односи. На интересите и силата, наместо со дипломатија и преговори,ние и се спротиставуваме со правдата, како ние ја разбираме. После се чудиме зошто упорно губиме и не ја остваруваме стратешката цел поставена уште во 1991″, пишува Малески.
Екс министерот го нападна Христијан Мицкоски затоа што на денот на Македонската борба, премиерот на Македонија и поставил два услови на ЕУ ако сака да не види во нејзините редови:
1. Гаранции дека ова се последни барања од Бугарија и
2. Запишување на македонската „заедница“ во бугарскиот устав.
Според тезата на Малески и покрај сите досега направени компромиси од кои нема фајде, владата треба беспоговорно да ги спроведува барањата кон Македонија дури и кога нема никаква гаранција дека земјата барем ќе почне преговори за членство.