По долго време коленичење и лековерност од страна на властите предводени од СДС, сега европските претставници гледаат државнички пристап од македонската влада предводена од ВМРО-ДПМНЕ и велат дека заслужуваме предвидлив европски пат.
Само Венко Филипче и Румен Радев не сметаат така“ оцени на денешната прес конференција, Валентин Манасиевски, портпарол на ВМРО-ДПМНЕ.
Наместо да застанат зад македонските интереси, тие спремаат уште поголемо предавство.
Ги прашуваме СДС и Филипче, уште што повеќе сакаат да направат за да и наштетат на Македонија и да бидат запаметени во историјата како најголемите предавници на татковината?, праша Манасиевски на денешната прес-конференција.
Покрај сите пофалби и признанија на функционери од земји членки на ЕУ кон Македонија, само Филипче и Радев на иста линија бараат уставни измени.
Сите од ЕУ со внимание ги следат реформите на македонската влада и ги поздравуваат велејќи дека сме лидери во регионот, само Филипче и Радев велат единствена реформа се уставните измени, изјави на денешната прес-конференција Валентин Манасиевски, портпарол на ВМРО-ДПМНЕ.