Македонија

Матурант пронајден мртов на влезот во Струмица

Вчера околу 12 часот на влезот во Струмица, на локација позади складот за дрва на Шумското стопанство „Беласица“, на местото викано Крива Река, бил пронајден починат М.А. (19), матурант во едно од струмичките средни училишта. Трагичната вест ја потврдија од ОЈО Струмица и СВР Струмица. Според обвинителката Виолета Милчовска, телото на момчето било предадено на […]

Вчера околу 12 часот на влезот во Струмица, на локација позади складот за дрва на Шумското стопанство „Беласица“, на местото викано Крива Река, бил пронајден починат М.А. (19), матурант во едно од струмичките средни училишта.

Трагичната вест ја потврдија од ОЈО Струмица и СВР Струмица.

Според обвинителката Виолета Милчовска, телото на момчето било предадено на обдукција и од досегашните наоди нема знаци на насилство и се чекаат токсиколошките анализи за да имаат појасна слика за причините за смртта.

И од полицијата потврдуваат дека вчера околу 12 часот било пријавено дека во близина на Струмица, на необработена нива, било пронајдено безживотно тело на 19 годишно момче од Струмица.

„Лекар констатирал смрт, а увид на местото извршиле јавен обвинител од Основното јавно обвинителство Струмица и екипа на СВР Струмица. По наредба на јавен обвинител телото било предадено на обдукција“, се наведува во информацијата од СВР Струмица.

Засега не се соопштуваат повеќе детали за смртта на момчето и како тоа завршило на локацијата каде бил пронајден. 

Најнови вести од: Македонија

Денес почнува изградбата на „Меморијален парк за жртвите од пожарот во модуларната болница – Тетово“

Министерот за здравство на Република Македонија Азир Алиу денеска ќе го означи почетокот на изградбата на „Меморијален парк за жртвите од пожарот во модуларната болница – Тетово“ во знак на трајно сеќавање и почит кон загинатите во овој трагичен настан, соопштија од Министерството за здравство на Република Македонија. На настанот ќе присуствуваат и вицепремиерот за […]

МД „Илинден“-Тирана: Честитки до Владата на Македонија! Отворањето генерален конзулат во Корча e историски ден за Македонците во Албанија!

Вчера донесената одлука на македонската влада, за отворање генерален конзулат во Корча, за Македонците во Албанија претставува историски чин, стои во соопштението на македонското друштво „Илинден” -Тирана. – Во мое и во име на македонско друштво „Илинден”-Тирана и Македонците во Република Албанија упатувам честитки до Владата на Република Македонија која на предлог на Министерството за […]

To top