Нема индикации за предвремени парламентарни избори, но може да има реформатирање на владата.“ – изјави вицепремиерот и кандидат на коалицијата Вреди за градоначалник на Чаир Изет Меџити во интервјуто, дадено за емисијата „Пресинг“ на медиумската платформа Т 7. Ова го пренесе информативниот портал на албански јазик „Фол“.
Порталот ја цитира изјавата, што ја даде Изет Меџити во овој контекст: „Сега нема анализи за одржување предвремени парламентарни избори. Во овој момент насоченоста е само на локалните избори. По локалните избори ќе правиме анализи. Форматирање на владата може да има, тоа ќе биде нормално, ако победам во општина Чаир. Тогаш на позицијата вицепремиер ќе дојде некој друг, или, како што имам речено, Беким Сали.“