Македонија

Мемов: Пензиите идниот септември ќе се зголемат за 3 до 5 проценти

Во март 2026 година е предвидено линеарно зголемување на пензиите од 1.000 денари

Директорот на ПИОМ, Никола Мемов, вели дека зголемување на пензиите ќе има и наредната  година, согласно законот што беше донесен оваа година.

„Во март 2026 година е предвидено зголемување на пензиите од 1.000 денари и исто така законското усогласување, коешто треба да се направи во септември, а коешто е предвидено помеѓу 3 и 5 проценти„,  рече Мемов во гостување во емисијата „Трилинг“.

Запрашан дали линеарното зголемување на пензиите можеби е популизам, Мемов објасни дека таа мерка ја донесе Владата, на барање на пензионерите.

„Вкупниот буџет за усогласување на пензиите практично е ист. Разликата е во тоа што сите добиваат линеарно, а практично, проекцијата на буџетот за 2025 за усогласувањето беше проектирана на 4%. Вкупниот буџет е ист што се подели кај пензионерите – во висина од 1.000 денари на секој пензионер линеарно и тој се однесува на ублажување на ценовните шокови, инфлацијата и зголемувањето на платите“,  рече Мемов.

Во врска со тоа дали покачување од 1.000 денари е доволно за ублажување на ценовните шокови, тој рече дека вкупното зголемување на пензиите во изминатиот период е 25 проценти.

Мемов: Праведно е линеарното зголемување на пензиите

 

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top