Времето денеска ќе биде променливо облачно и нестабилно, со пороен дожд, грмежи и засилен ветер на повеќе места низ земјава.
На многу локации процесите ќе бидат поинтензивни, во форма на краткотрајно невреме со пообилни врнежи, силни грмежи, ветер што ќе достигнува над 60 километри на час и услови за појава на град.
Според Управата за хидрометеоролошки работи (УХМР), минималната температура ќе се движи во интервал од 8 до 17 степени, додека максималната ќе достигне од 20 до 28 степени.
Во Скопје, денеска исто така ќе преовладува променливо облачно и нестабилно време, со пороен дожд и грмежи во делови од скопската котлина, придружени со засилен ветер од северен правец. Минималната температура ќе се спушти до 12 степени, а максималната ќе достигне до 24 степени.