Македонија

Мицкоски: Апасиев и Мециновиќ си префрлале пари од сметката на Левица, кои граѓаните ги уплаќаат во буџетот

Премиерот Мицкоски посочи дека во врска со злоупотребите во Левица свиркач до нив доставил список, во кој има стотици трансакции на пари префрлани од Левица на сметка на Апасиев, но и оти и на кандидатот за градоначалник на Левица за Скопје Амар Мециновиќ на трансакциска сметка му биле префрлувани пари од сметката на истата политичка партија.

2 минути за читање

Премиерот Христијан Мицкоски денеска на собраниската седница за опозициски прашања покажа документи и списоци, за коишто рече дека ги добиле од свиркачи во врска со партискиот објект на Левица и од кои исто така, како што кажа, се гледа дека претседателот на Левица Димитар Апасиев и кандидатот за градоначалник на Скопје на оваа партија си префрлувале пари од сметката на Левица.

Мицкоски прочита извадок од записник, во кој Апасиев информира партиски членови за купувањето на објектот на поранешниот хотел „Опера хаус“ за 250 илјади евра, оти се работи за четири нивоа и дека два – три месеци се преговарало со „Унибанка“.

„Демантиравте дека имавте врска со ова еднаш кога ја отворив оваа тема. Велевте и тогаш дека не е тоа така, ова е скромно местенце, толку квадрати итн, итн… а овде гледам дека сте полн со себе, па во јавноста веќе кога се обидувавте да шпекулирате и да лажете. Треба да ѝ дадете одговор на јавноста кога бевте Димитар Апасиев: оној што ја зборуваше вистината, тогаш, или овој кога излезе овој записник пред вашите во ЦК.“ – рече Мицкоски.

Премиерот Мицкоски посочи дека во врска со злоупотребите во Левица свиркач до нив доставил и список на трансакции, во кој, како што кажа од собраниската говорница, има стотици трансакции на пари префрлани од политичката партија Левица на трансакциска сметка на Апасиев. „Еве ги сите трансакции како ја молзете и како ја цицате Левица, односно парите, коишто граѓаните ги уплаќаат во Буџетот. Вие треба да одговорите дали е точно, или не е.“ – рече Мицкоски.

Мицкоски додаде дека него повеќе го загрижува кандидатот за градоначалник на Левица за Скопје Амар Мециновиќ, кому, исто така, на трансакциска сметка му биле префрлувани пари од сметката на партијата.

Мицкоски ова го кажа спротивно на обвинувањата на Апасиев за поврзаноста на ВМРО-ДПМНЕ со агенцијата „Рубикон“ и нејзиниот сопственик, која го обезбедувала објектот на дискотеката „Пулс“ во Кочани. во која во пожарот починаа 63 лица, а околу 250 се повредени. Апасиев, кој од говорницата покажуваше фотографии, го праша Мицкоски дали ќе си поднесе оставка, повикувајќи се на изјава на премиерот.

Претседателот на Владата Мицкоски рече дека Апасиев се служи со лаги, невистини и клевети и оти и тој има слика со него, додавајќи дека можеби требаше и нив да ги објави.

Нетпрес

Поврзани теми:

Левица|Премиер Христијан Мицкоски|Димитар Апасиев|Амар Мециновиќ|трансакции на пари

Повеќе на оваа тема:

Најнови вести од: Македонија

Нови можности за локалниот бизнис – Шведско-македонската стопанска комора отвора канцеларија во Скопје

Преку проекти за унапредување на локалната бизнис клима, Општината активно работи на подобрување на инфраструктурата, модернизација на административните услуги и директна поддршка на малите и средни претпријатија. Целта е да се унапредат условите за поефикасно водење бизнис, зголемена конкурентност и привлекување на нови инвестиции, кои ќе резултираат со нови работни места и одржлива локална економија.

ДУИ бара „правична и непристрасна постапка“ за Груби, ВМРО ДПМНЕ посочува дека ќе одговара за сите милиони евра, кои ги украл!

ДУИ „позитивно ја оценува одлуката на Артан Груби, да се врати во земјата“, оценувајќи дека „со тоа се создава можност да се изнесат сите аргументи и да се разјаснат прашањата преку транспарентна, правична и непристрасна постапка“. ВМРО ДПМНЕ денес реагираше по апсењето на Артан Груби: „Тој важи како  олицетворение на криминалот и корупцијата предводена од СДС и ДУИ, и конечно ќе се соочи со правдата. Криминалот на бегалецот од правдата Груби достигна над 8 милиони евра. Има укажувања дека оваа сума може да надмине десетици милиони евра, украдени од граѓаните. Дополнителен криминал на Груби заедно со неговиот другар Бајрами, тогашен директор на Државната лотарија, освен што местеле милионски тендери, е и исплаќање аванси на деловни соработници. За целиот овој милионски криминал на Груби знаеше и СДС, но само за да не му пропадне коалицијата и да му потрае власта, молчеше и го одобруваше, со што стана соучесник. Груби крадеше, СДС молчеше и одобруваше. Сега е време на одговорност.“

Високото образование треба да создава стручни луѓе, а државата да бара отчетност од универзитетите

Министерството за образование и наука не е спротивставена страна на академската заедница, напротив во соработка со Универзитетите го започнавме и на ист начин ќе го завршиме Законот за високото образование, изјави министерката за образование и наука Весна Јаневска, пред почетокот на 4-тата јавна дебата, што денес се одржа на Универзитетот „Св. Кирил и Методиј“ во Скопје.

За лажна работна виза за Германија тетовка му платила 3 илјади евра на сограѓанин, потоа „испарил“!

Во СВР Тетово, 32-годишна жена од Тетово пријави дека била измамена од едно лице од Тетово за сума од 3.000 евра. Според пријавеното, во текот на 2024 година, таа се договорила со лицето да ѝ посредува за добивање работна виза за Германија и притоа парите му ги исплатила во неколку наврати.

ТВ Телма дојде до видео-снимки на можниот сериски убиец и силувач од Старо Нагоричане! Се истражува смртта на пет жени! (Видео)

Телевизија Телма дојде до снимки, кои се од камери на една од куќите, каде што се гледа осомничениот сериски убиец од Старо Нагоричане. Видеото трае две минути, а на него се појавува крупен маж со подолга јакна и качулка на главата, кој се обидува да ја отвори вратата на куќата. Но таа е заклучена. Според изворите на Телма, се работи за дом кој се наоѓа блиску до местото познато како Коински мост, а во куќата живеела сама повозрасна жена.

Соработка на „Макпетрол“ и МОН – нов прирачник против врсничко насилство за училиштата

Како дел од својата општествено одговорна кампања „Крени глас против врсничкото насилство“, „Макпетрол“ издаде нов прирачник за препознавање и справување со врсничкото насилство

Средба Перински – Варнс: Стратегиското партнерство со САД е врвен приоритет

Министерот за локална самоуправа Златко Перински оствари средба со вршителката на должноста амбасадор на Соединетите Американски Држави во земјава, Никол Варнс. Потврдена е заедничката посветеност за натамошно унапредување на стратегиското партнерство меѓу двете држави

Груби на распит во обвинителството – се товари за криминал „тежок“ 8 милиони евра

Артан Груби, осомничен за проневера во „Државната лотарија“, кој утрово беше уапсен на граничниот премин Блаце и сместен во притворското одделение во Шуто Оризари, веќе е спроведен на распит во Обвинителството.
Сите вести од Македонија

Најнови вести

To top