Македонија

Мицкоски: Граѓаните акламативно мислат дека Коцевски не работи добро, исто и јас – треба да се смени

„Јавниот обвинител Љупчо Коцевски треба да си го стави прстот на чело и да размисли што прави.“ – нагласи претседателот на Владата на Република Македонија Христијан Мицкоски вечерва во емисијата „Топ тема“ на ТВ Телма.

1 минута за читање

Осврнувајќи се на работата на јавниот обвинител Љупчо Коцевски премиерот Христијан Мицкоски посочи дека ниту тој лично, ниту јавноста не е задоволна од неговата работа и оти логичен след на настаните би бил негова смена. „Не сум задоволен лично јас, но и јавноста од работата на јавниот обвинител, тогаш логичен след на настани после така јавно искажан збор е негова смена, многу јасно.“ – нагласи Мицкоски.

Тој додаде дека граѓаните акламативно мислат оти Коцевски не си ја врши својата работа доволно добро, а буџетот, кој го добиваат, е поголем од за 75 отсто отколку од земјите на ЕУ. „Најголемиот дел од граѓаните, огромен дел, би рекол акламативно мислат дека не си ја врши својата работа доволно добро и ако е политичката цена да ја платам и да бидам повторно дел од извештај, во којшто ќе бидам критикуван, а притоа буџетот којшто го добиваат нивни колеги, е поголем од 75 отсто од земјите членки на ЕУ, тогаш некој треба да си го стави прстот на чело и да размисли што прави.“ – подвлече премиерот Христијан Мицкоски.

Поврзани теми:

Премиер Христијан Мицкоски|Јавен обвинител Љупчо Коцевски|топ|актуелно

Повеќе на оваа тема:

Најнови вести од: Македонија

Кога сакаме да гледаме претстава, одиме во театар – рече Филипче за протестот на ДУИ

За претседателот на СДСМ, Венко Филипче, денешниот протест за поддршка на лидерите на УЧК, е уште една од серијата смислени и изрежирани работи кои служат за дефокус од главниот проблем, а тоа се мигранти за пари.

Претставен преобјавениот „Абецедар – сто години потоа“ – сведоштво за постоењето на Македонците и македонскиот јазик во Егејска Македонија, во Грција

„Денес, во новата историска реалност ние, како Македонци, имаме неспорен и вреден историски документ од пред еден век, кој претставува директно сведоштво дека Грција во 1925 година планирала настава на македонски јазик за потребите на македонските деца во грчкиот образовен систем. Уште поголема важност на ‘Абецедарот’ му дава фактот што неговите автори се Грци по националност и што учебникот бил изготвен по налог на грчкото министерство за образование. Токму овие последни два неспорни факта треба да бидат нашите клучни аргументи пред светската јавност кога зборуваме и расправаме за македонското прашање, за правата на Македонците во Егејскиот дел на Македонија и за неисполнетите обврски на Грција и нејзиното отстапување да го признае постоењето Македонци на нејзинатата територија.“ – истакна универзитетскиот професор д-р Никола Жежов при денешното претставување на преобјавениот Македонски буквар „Абецедарот – сто години потоа“ (1925-2025).
Сите вести од Македонија

Најнови вести

To top