Премиерот Христијан Мицкоски денес објави дека Законот за коцкање е готов.
Мицкоски не даде детали за тоа што предвидува новиот закон, но нагласи дека со новото законско решение очекува бројот на таканаречени слот-машини природно да се намали. „Законот за коцкање, по неколкумесечна работа и негово усогласување, е готов.
Очекувам овој месец да ја помине владината процедура, а потоа да влезе во Собранието. Ќе има многу новини, многу промени и очекувам бројот на тој тип клубски машини, по донесувањето на овој закон, природно да се намали“, рече Мицкоски.