Премиерот Христијан Мицкоски денеска присуствува на Самитот на лидерите „Нашиот пат кон ЕУ“ во Тирана, каде заедно со шефовите на влади и држави од Западен Балкан разговара за забрзување на европските интеграции и продлабочување на регионалната соработка.
„Нашата земја останува решително ориентирана кон европските интеграции и регионалната соработка, кои се клучни столбови на нашата заедничка визија за просперитетен Западен Балкан“, порача Мицкоски од албанската престолнина.
Самитот во Тирана претставува важна платформа за размена на искуства, координација на политики и зајакнување на економската, политичката и безбедносната стабилност во регионот, со единствена цел – побрзо и поефикасно приближување кон Европската Унија.