Најголемиот македонски фудбалски бренд скопски Вардар денеска објави информација која што во себе содржи високо ниво на мистерија.
ФК Вардар денеска објави дека спогодбено се разделува со спортскиот директор кој го водеше клубот во тешките моменти во кој Вардар од закана за испаѓање од првата лига дојде до европските купови.
Најтрофејниот македонски фудбалски клуб Вардар објави дека наскоро ќе добие нов спортски директор, затоа што се раздели со актуелниот Игор Ивановски.
Од клубот не откриваат зошто си оди спортскиот директор.
„После четиринаесет месеци повеќе од успешна соработка, ФК Вардар АД и спортскиот директор на клубот Игор Ивановски, спогодбено се разделија. Клубот му благодари на сработеното и му посакува успешна следна епизода во животот.“, стои во објавата на клубот.
Поранешниот спортски новинар Игор Ивановски дојде во Вардар со преземањето на новото раководство на клубот. Од ФК Вардар заминува со освоена титула во Купот на Македонија.