Општо земено, младите од земјите на север го напуштаат домот на своите родители порано, во споредба со младите од појужните земји.
Младите во Црна Гора остануваат во домот на своите родители подолго, во просек до 33,3 години, додека младите во Финска го напуштаат порано, во просек, на возраст од 21,4 години.
Младите во Македонија остануваат со своите родители во просек до 32,1 години.
Во 2024 година, младите луѓе на ниво на ЕУ го напуштиле домот на своите родители во просек на возраст од 26,2 години, што е мало намалување во споредба со 26,3 години претходната година, според најновите податоци на Евростат објавени во септември оваа година.
Младите во Хрватска остануваат во домот на своите родители подолго во просек – до 31,1 година, по што следат Словачка (30,9), Грција (30,7), Италија (30,1) и Шпанија (30,0).
Најновите достапни податоци за Македонија се од 2023 година, кога, според анализата на статистичкиот портал „Ланџејст“, врз основа на податоците на Евростат, младите луѓе во Македонија (32,1) и Црна Гора (33,3) се последните во Европа што ги напуштаат домовите на своите родители.
Во време кога трошоците за домување се предмет на постојана јавна дебата, податоците на Евростат покажуваат дека младите се малку повеќе погодени од трошоците за домување.