Македонија

МОН ќе ги покрива трошоците за учество на средношколски олимпијади низ светот

За здруженијата на наставници кои испраќаат средношколци на некоја од 15те меѓународни научни олимпијади, како и за семејствата на учениците, завршуваат грижите поврзани со учеството од финансиски аспект. Наместо самостојно да финансираат или да бараат спонзори, отсега трошоците за учество на овие престижни меѓународни натпреварувања, ќе ги покрива државата, соопшти Министерството за образование и наука. […]

За здруженијата на наставници кои испраќаат средношколци на некоја од 15те меѓународни научни олимпијади, како и за семејствата на учениците, завршуваат грижите поврзани со учеството од финансиски аспект. Наместо самостојно да финансираат или да бараат спонзори, отсега трошоците за учество на овие престижни меѓународни натпреварувања, ќе ги покрива државата, соопшти Министерството за образование и наука.

„Ова е една од придобивките на измените на Законот за средно образование кои беа усвоени минатиот месец. Министерството за образование и наука на својата веб страна веќе објави јавен повик наменет за акредитирани здруженија на наставници кои организираат натпревари за средношколци, со цел покривање на трошоците за котизација и за пат, односно за учество на една од 15-те меѓународни научни олимпијади. Во зависност од правилата на организаторите на секоја поединечна меѓународна научна олимпијада, ќе се финансира учеството на најмногу шест ученици и двајца ментори“, соопшти МОН.

Едно акредитирано здружение може да добие финансиски средства за учество само на една олимпијада. Пријавувањето е електронски преку порталот e-uslugi.mon.gov.mk, најдоцна до 31.10.2025 година.

„Грижата кон младите се зголемува. Постојано се унапредуваат ученичкиот и студентскиот стандард, со воведување на нови и проширување на постојните права. Во изминатите неколку месеци беа прифатени повеќе барања на учениците и студентите, како поддршка на нивниот воспитно-образовен процес, а со воведувањето на оваа последна можност се поддржува потенцијалот на најталентираните“, соопшти МОН.

Најнови вести од: Македонија

Стерјовски: Бришењето на македонскиот јазик и идентитет од извештајот за Македонија на Европскиот парламент, под диригирано влијание на Бугарија, е срамна страница во неговата историја и тежок удар врз темелите на ЕУ!

„Бришењето на македонскиот јазик и идентитет од извештајот за Македонија на Европскиот парламент, под диригирано влијание на Бугарија, претставува срамна страница во историјата на Европскиот парламент и тежок удар врз темелите на Европската унија, кои се изградени врз човекови права, еднаквост, недискриминација и почитување на различноста.“ – оценува Васил Стерјовски, лидерот на партијата Македонска алијанса […]

Мицкоски: Пустец е доказ дека коренот останува, дури и кога над него дуваат силни ветрови! Продолжуваме да ги поддржуваме Македонците насекаде во светот

„По седум години национално понижување и ограбување од политичари, кои сега сега се минато, Македонија доживува економска и национална преродба во овие 13-14 месеци. Ние не сме ниту Грци, ниту Бугари, ниту Срби, туку сме горди Македонци со свој македонски идентитет, во Албанија и насекаде во светот, кои го говорат својот мајчин македонски јазик, различен од другите балкански јазици!“ – порака на Христијан Мицкоски, претседателот на Владата на Република Македонија од Македонскиот фолклорен фестивал Преспа во Општина Пустец, во Албанија.

МВР со хеликоптер спасуваше воено повредено лице во пожар

Денеска полициски службеници со хеликоптерот на МВР Агуста Бел 212 извршија спасување на повредено воено лице на линијата на пожарот. Во исклучително тешки услови беше извршено драматично спасување на С.Н. од македонската Армија од првата пешадиска бригада од Штип за време на неговата несебична борба со огнената стихија. Полициските службеници уште еднаш на дело ја […]

Најнови вести

To top