Министерот за надворешни работи на Република Македонија, Тимчо Муцунски, преку своите профили на социјалните мрежи ја поздрави објавата на американскиот претседател Доналд Трамп дека венецуелскиот лидер Николас Мадуро е уапсен и дека ќе се соочи со правдата.
Муцунски упати пофалби и до американскиот државен секретар Марко Рубио за неговото лидерство во справувањето со нарко-криминалните мрежи поврзани со режимот на Мадуро.
„Одговорноста е важна. Стоиме со Соединетите Американски Држави и со народот на Венецуела во борбата за слобода и демократија“, порача Муцунски.
Оваа реакција доаѓа по серијата настани во Венецуела на 3 јануари 2026 година, кога американските сили спроведоа воена операција, по што Трамп објави дека Мадуро и неговата сопруга се заробени и пренесени надвор од земјата. Муцунски со својата порака ја потврди поддршката на Македонија за американските напори во промовирањето на демократијата и борбата против криминалот во регионот.
I welcome @POTUS Donald Trump’s announcement that Nicolás Maduro has been arrested and will face justice.
I also commend @SecRubio for his leadership in confronting the Maduro regime’s narco-criminal networks.
Accountability matters. We stand with the 🇺🇸 United States and the…
— Timco Mucunski (@TimcoMucunski) January 3, 2026