На конгресот на ДУИ ќе бидат избрани четворица потпретседатели како дел од „внатрешната реорганизација“ и со „амин“ на Ахмети

Кои се четворицата, за кои информативната агенција Илирија ИНА објави дека се „имињата, што се споменуваат најмногу, и се очекува да бидат избрани како нови потпретседатели на ДУИ“, со „веќе добиена поддршка и согласност од претседателот на партијата Али Ахмети“? Бајрам Реџепи е постоен потпретседател на ДУИ и нејзин кандидат за градоначалник на Тетово на неодамнешните локални избори. Еркан Арифи е постоен претседател на селската општина Липково, во Кумановскиот регион. Валдет Џафери е правник и од 5 април 2016 до 1 јуни 2017 година бил министер за правда на Македонија. Фатон Положани е постоен претседател на органокот на ДУИ во Струга и бил поранешен заменик-министер за транспорт во 2016 година.

20. декември 2025. — 14:53 1 минута за читање

„Се очекува Демократската унија за интеграција да направи значајни промени во своите раководни структури за време на Конгресот, што се одржува денес. Според информации од извори во партијата, неколку имиња веќе се во центарот на дискусиите за позициите потпретседатели. Изворите укажуваат дека Бајрам Реџепи, Еркан Арифи, Валдет Џафери и Фатон Положани се имињата, што се споменуваат најмногу, и се очекува да бидат избрани како нови потпретседатели на ДУИ.“ – објави информативната агенција на албански јазик Илирија-ИНА.

Меѓу нив се споменуваат имиња од Скопско и Дебар, кои исто така ќе бидат дел од раководната структура на ДУИ. Истите извори нагласуваат дека овие кандидати добиле поддршка и согласност од претседателот на партијата Али Ахмети.

Во рамките на овој процес, се очекува споменатите личности да бидат дел од новиот партиски Совет, кој ќе се формира по завршувањето на Конгресот. Овој чекор се смета како дел од внатрешната реорганизација на ДУИ и напорите за зајакнување на раководните структури на партијата.- објави ИНА

ДУИ ќе усвои „стратегиски резолуции“ за „јакнење на унитарниот карактер на државата“, „враќање на довербата во институциите“, „евроинтеграција“ и „национален договор за напредок“!