Македонија

ДУИ ќе усвои „стратегиски резолуции“ за „јакнење на унитарниот карактер на државата“, „враќање на довербата во институциите“, „евроинтеграција“ и „национален договор за напредок“!

„Демократската унија за интеграција денес ќе го одржи својот петти конгрес во Скопјe. Покрај кадровските промени и реорганизацијата на партиските структури, од овој конгрес ќе произлезат и четири стратегиски резолуции. Резолуциите ќе ги претстави во својот говор лидерот на партијата Али Ахмети.“ – објави информативниот портал на албански јазик „Тетова сот“.

1 минута за читање

Порталот натаму наведува: Извори од ДУИ велат дека Ахмети ќе ги дефинира политичките насоки на Демократската унија за интеграција за следниот четиригодишен период, како и визијата за демократскиот, институционалниот и општествениот развој на државата. „Овој говор ќе послужи како политичка ориентација за активноста на ДУИ и за развојниот пат на земјата во наредните години. Од овој говор ќе произлезат четири резолуции, кои претставуваат темелна оска на политичката определба на ДУИ и ќе послужат како ‘линија’ што, партијата ќе ја следи во следниот четиригодишен мандат на своето политичко дејствување.“ – вели изворот во ДУИ
.
Резолуциите, што ќе бидат разгледани и усвоени од делегатите на Конгресот на ДУИ, се:
Резолуција I – За зајакнување на унитарниот карактер на државата и консолидирање на функционалната еднаквост
Резолуција II – За владеење на правото, независна правда и враќање на довербата во институциите
Резолуција III – За национален договор за напредок и одржлив развој на земјата
Резолуција IV – За европска интеграција.

Од ДУИ велат дека овие четири резолуции ја претставуваат платформата и стратегиската визија на Демократската унија за интеграција за следните четири години и ја потврдуваат нејзината улога како клучен чинител во насоката на демократските и интеграциските процеси на државата. – објави „Тетова сот“.

Поврзани теми:

актуелно|али ахмети|Конгрес на ДУИ|„стратегиски резолуции“

Повеќе на оваа тема:

Најнови вести од: Македонија

Мицкоски: Соседна држава шири теза за запирање на европските фондови со цел да банкротираме и да прифатиме сè што се бара од нас

Премиерот не откри која соседна држава, членка на ЕУ, ја шири ваквата теза и додаде дека сознанијата доаѓаат од неговите неодамнешни мултилатерални и билатерални средби.

АД МЕПСО: Го прифаќаме извештајот на ДЗР и веќе спроведуваме мерки за отстранување на затекнатите слабости

Од АД МЕПСО соопштија дека ги прифаќаат наодите од Државниот завод за ревизија и веќе преземаат мерки за отстранување на утврдените слабости. Според МЕПСО, голем дел од забелешките се однесуваат на процеси, договори, инвестиции и имотно-правни прашања што се наталожувале со години, а дел од нив датираат уште од основањето на компанијата во 2004 година.

Државната ревизија откри сериозни слабости во работењето на енергетскиот преносен оператор АД МЕПСО

Сериозни системски слабости откри Државниот завод за ревизија во работењето на АД МЕПСО во 2024 година. Податоците од ревизорскиот извештај покажуваат дека се утврдени недоследности во сопственоста на далноводите, потоа откриени се неругуларности при вработувања, а за дел од потрошените пари по основ на инвестиции на државната компанија недостасувала соодветна документација.

Мицкоски: Очекувам да бидеме прворангирани на јунското „мерење“ за почеток на преговори во ЕУ!

Претседателот на Владата Христијан Мицкоски смета дека во дадениот рок ќе бидат донесени сите реформски закони, со што Република Македонија ќе биде прворангирана на јунското „мерење“ за почеток на преговори во ЕУ и со официјална одлука на почетокот на јули ќе бидат ослободени уште пари за македонската држава.

Мицкоски ја извести македонската јавност за тежок европски скандал: Соседна земја, членка на ЕУ, лобира за да не добие Македонија пари од ЕУ!

„Соседна држава на Македонија шири информација ЕУ да не и помага финансиски на Македонија, да и се скратат сите фондови како ЕУ, затоа што ако и помага, Македонија ќе напредува, а во спротивно, ако нема ЕУ фондови за Македонија, тогаш ќе дојде пред банкрот, ќе биде приморана да клекне, да моли и на тој начин да се реализира тоа коешто се бара од нив“, соопшти премиерот Христијан Мицкоски, без да открие која соседна држава ја шири оваа теза, а е членка на ЕУ.
Сите вести од Македонија

Најнови вести

To top